وش رايكم في حركة ام طليقي ....؟؟!!!

السلام عليكم ياحلوات

عساكم بخير واموركم طيبة

أنا اليوم قهرتني أم طليقي

بعلمكم باللي صار وأنتو قولولي الحق معي او معها

عندي بنتي عمرها سنة ونص شعرها مررررة خفيف ودايم ادهنه لها عشان يطول

والحمدالله قبل فترة طالت غرتها من قدام وانا ماحد قدي فرحانة فيها

وصرت كل يوم اربطها عشان تطول

وجا يوم طليقي وأخذ بنته ووداها عند امه وجابوها اليوم الثاني وتخيلو وش مسوين فيها


قاصين غرتها !!!!!!!!!!!

يعني وش هالقلة أدب والسخافة يعني ماعندها ام يستأذنوها
طيب مو لازم يستأذنون بس اقل شي يعطوني خبر او اقل شي يقصونها قص مرتب خلوها متعرجة
أنا اعرف ام زوجي وتفكيرها ماتحب نربط شعور الصغار على قولها مو زين لراسها

عاد أنا انقهرت ويوم جا المرة الثانية يبي يأخذها قمت سويت شعرها كله قنازع
أكيد فهمتوها تسريحة الصغار الي كل الشعر يكون فيه ربطات
وتخيلو رجعو بنتي في نفس اليوم وهم حالقين شعرها مرررة !!!!!!!!!!!


والله قهروني حسيت نفسي بصيح
يعني لو ولد أهون بس بنت وصلعة
عاد بنتي راسها كبير وحواجبها خفيفة مرة وفاتحة
قسمن طالع شكلها يخووووف
استحيت انزلها عند اهلي يشوفونها حريم إخواني وعماتي

بالله وش رايكم في حركاتهم