وش رايكم في ردي عليها💗لكل مطلقة

اهلين حبايب قلبي
هاذا ردي لوحده هنا في المنتدى كانت معلقه تعليق على وحده تبغى تتطلق وقاعده تحذرها وانك اذا تطلقتي بتقل فرص الزواج عندك ومن يبغى مطلقه معها اطفال
استغفر الله العليّ العظيم وييين إحسان الظن بالله الرزّاق سبحانه وتعالى ترى بعض الرجال اسباب طلاقنا منهم قويييه وصعب نتعااايش معها صعب نبقى معهم
هاذا ردي عليها كان وش رايكم فيه
وأي وحده بتكتب تعليق تتذكر ان الدنيا دواره فتحاسب على أدب إسلوبها في الرد
👇🏼👇🏼👇🏼👇🏼 كتبت لها
( لا أوافقك الراي في نقطة ان المطلقة غير مرغوب فيها
يعني معنى كلامك اننا نصبر على الزوج السيء اللهم لاشماته واللي مامنه رجاء عشان نخاف نكون مطلقات! أيعقل؟
أنا أبتكلم عن المطلقة اللي مظلومة وزوجها هو الظالم وبسببه طلبت الطلاق وتطلقت منه
أنا مااا أشجع على الطلاق والعياذ بالله لاااكن انتي بكلامك هاذا ماراعيتي المطلقات اللي بيقرأوون ردك !! اتق الله وفيه رجااال ومثقفييين وركزي على مثقفين ( لأنهم عرفوا بالعقل الواعي انه لافرق بين انثى بكر وانثى ثيب ) مايهمهم بكر والا مطلقه والا ارمله يهمهم آراء أخرى مختلفه كلن وله نظره من جانب آخر وياما نعرف اللي عايشة أسعد أيام حياتها مع زوج ثاني وغيرها وجدت راحتها مع زوج ثالث ترى الدنيا أرزاااق وليس أذواق
يابعد روحي حاولي في ردك تنصفين كل الأطراف مو ترجحين كفه على حساب مسار ردك وتنسين ان الرزق من عند الله سبحانه الرزّاق والله سبحانه ليس بظلّام للعبيد تعالى عن ذالك علواً كبيرا سبحانه
مو تتكلمين برغبات من عند عقل فلان ووش يحب من النساء ووش مايحب ونسيتي أن الرسول صلى الله عليه وسلم سيد البشر ومعلم البشرية ان أكثر زوجاته عليهم السلام ورضي الله عنهم ثيبات مطلقات وأرامل الا عائشة عليها السلام ورضي الله عنها بكر ، فيا عزيزتي لاتعممين وتخلينها كأنها إحصائية أو دراااسة أجريت والغالبية رجحوا البكر على المطلقه ، أرجع وأقول أنا ماااا أشجع على الطلاق ولاكن فيه حالات تستوجب الطلاق مثل اللي مايصلي ومافيه رجا يهتدي ويتعدل ومثل ومثل ومثل ...
وأنا ما أوجه هذا الكلام لصاحبة الموضوع ولاكن أوجه هاذا الكلام لصاحبة الرد والله يعفو عنك ويسامحك
صاحبة الموضوع بعد قلبي انتبهي من الكبر لايدخل عليك وأمرك استخيري فيه الله وهو سبحانه يعلم الغيب وبيدلك على اللي فيه خير لك )
هاذا ردي وماكتبته عشان ابغى رايكم لا عشان أبغى كل مطلقة كانت مظلومه والطلاق كان افضل حل لحياتها الزوجية اتمنى منها تطلع من الموضوع وهي رافعه راسها ومبسوطه ومرتاحه ومتطمنه وراضيه بقرارها طبعاً اذا كان هو الأصلح لها ولأطفالها لأن مو كل الطلاقات خير فيه بعض الزواجات الصبر فيها هو الأفضل لاكن انا اتكلم عن المظلومات اللي الطلاق هو حل لإنتهاء كل معاناتهم انك مااااااايهزك ولاحرف ولاكلمة ولا احباط واحسني الظن بالله ورزقك بيجيك وبتسعدييييين به .