وش رايكم في فكرتي

سلام بنات
ازيكم
عاملين ايه>>>قلبت مصريه😂
مالكم بطويله
انا وبكل تواضع عندي في المجالس قزاز من جهه يعني كلها الواجهه قزاز وتطل على الاحواش
ولاني ساكنه من فتره باقي مزرعنا في الاحواش عشان يكون منظرها حلو وتعبت وانا المع القزاز من برا وجواء وعيالي الله لايوريكم يحبون يطلون معاه وع طول طبعات يديهم من غير الضيوف الي يجون فجاءه او يقعدون بالايام وانا رحت فيها من التعب والاحواش لسى ماتفرغنا لها نزرع ونبلط وتعرفون يبغالها مجهود ووقت على بال مايطلع الشجر

الزبده
الستاير ماتنفع لو احطها وفكرة في ورق الجدران واحطها عالقزاز بس غالي وسمعت ان فيه زي ورق الحائط بس مخصص لزجاج واقدر اسويه من نفسي ويتلصق بالماء لكن ماادري وين الاقيه وكم سعره وسمعت ان فيه في ساكو بس اكيد غالي والي عندها خلفيه ياليت تقولي كم سعرها في ساكو او اي مكان ثاني وهل ممكن الاقيها في المكتبه الله يسعدكم افيدوني بهالموضوع ولكم مني خالص الدعاء
علما اني بمدينة الرياض وجديده هنا يعني الي عندها خلفيه عن محله تقولي الوصف وياليت بالسعر عشان ظروفنا صعبه وعشان اذا هو غالي مااتعنى ع الفاضي مع ان نفسي فيه 😓