وش رايكم كلامي الصح ولا امي

السلام عليكم
بدخل بالموضوع على طووول
انا متزوجه وعندي طفلين وحلمي كتالي:
اصحا الصباح البس احلى لبس واسوي فطور ويفطر زوجي ويروح دوامه واجهز له الغداء واستقبله احلى استقبال والعصر اسويله حلى وفطاير واهتم فيه وفملابسه مابي ينقصه شي ابيه لاسمح الله تهاوشنا ونفصلنا يحس بي وبإهتمامي
لاكن كل الي ذكرته ماصار من تزوجة لي 3 سنوات
وناعايشه عند اهلي بغرفه ودايم عندنا ناس وزحمه واحيان يمشي وهو مااكل
لي بيت ملك عند اهله بس مايوديني له بحكم شغله كل يومين يداوم ودوامه بعيد 500 كيلو ويجي يومين وبهليومين يروح يشتغل ويكد يقول ماارتاح ونتم بالبيت
عند امك ارتاح لك وللبزران بحكم انك وحيدتها وماعندها غيرك
ونا فكرت بشي انه يبني لي بيت عند اهلي عشان ارتاح
بس امي رافضه تقول لا يفكر ان عنده بيت فاضي ويتزوج عليك
قلت بطقاق يتزوج اذا تزوج اتطلق واقعد فبيتي عند عيالي والأرض ارض ابوي
وش رايكم اخليه يبني لي ولا اسمع كلام امي