وش رايكم مهم وضروري

ايه قولي له واشرهي عليها قدام خالك عشان يعرف غلطه

والله يا اختي العزاء وعيادة المريض سويها لوجة الله مو عشان يردونها لك
والله امي حتى اللي يكرهونها تزورهم وتوجبهم رغم انهم مايوجبونها وقلتلها لية يمة تزورينهم بالمستشفى وهم حتى تليفون مايرفعون قالت ماسويتها لهم سويتها لله ويارب لك الحمد امي وصلت الستين ومافية لاضغط ولا سكر والمستشفى نادر ماتروح لانها تعود المريض وتعزي لوجة الله وحدة

هذا طبعك أنتي تحبين المواجيب مو كل الناس من رأيي المواجيب تكون لله مو سلف و دين أسلفك إياه و ترده لي ما أحب الحركه هذي و طبعي أسوي اللي أقدر عليه مع الناس و لو ما قدرت الحمد لله لا يكلف الله نفسا إلا وسعها ولو جاني من يتشره علي أسحب عليه و الله و لا يهمني لأن مو واجب و لا ينقص لا من قيمتي و قدري و لا من قيمته و قدره

مالها داعي تتشرهين خلاص شي راجع لها اهم شي انتي مايجي منك قصور

هل تعلمون ماهي الثقافه البائسة؟
الثقافة البائسة :
إذا أعطاني هدية ، أعطيه !
إذا اتصل بي ، أتصل به !
إذا حضر عزيمتي ، أحضر عزيمته !
حتى العزاء ، إذا عزاني أعزيه !
يقول الطنطاوي رحمه الله تعالى:
لا تعامل الناس في العواطف والهبات والهدايا بمقياس البيع والشراء ولا بميزان الربح والخسارة ، بل عاملهم بالكرم والجود ، ومن منعك شيئاً فأعطِه أنت ، ستعيش مرة واحدة على هذه الأرض ، إذا أخطأت إعتذر ، و لا تكن صامتًا ،
اجعل من يراك يتمنى أن يكون مثلك ، ومن يعرفك يدعو لك بالخير ، ومن يسمع عنك يتمنى مقابلتك ، فمن تعطر بأخلاقه لن يجف عطره حتى لو كان تحت التراب
صباحكم رضا من الرحمن