اختي احنا ارضنا كمان طويله 20 في 35 خصمو منها 5 متر قالو للحوش ممنوع نبني منه متر صارت 20 في 30 خصمو من كل جهه مترين ومن الخلف كمان مترين المهم الصافي منها للبناء 16 في 28 قسمناها بالنص لان لو بنيناها كلها صارت كبيره علينا بحر والغرف كثيره واصلن ممكن نوفق بناء لان المبلغ مايكمل فقسمناها بالنص خططنا لنا بيت 4 غرف نوم وغرفة غسيل ومطبخ ومجلس ضيوف وصاله كبيره وثلاث دورات مياه وباقي الارض يصير بيت صغير 3 غرف ومطبخ وحمامين مستقبلا اما للايجار او لاولادنا اذا كبرو واحتاجو للزواج

اختي مو مهم طول الارض او عرضها المهم حسن التخطيط وعلى قد المبلغ اللي يكفي للعمار ونسكن بملك عن الايجار اللي لنا 18 سنه ذابحنا وساحب الميزانيه الله يوفقنا ويوفقكم لكل خير

مرحبا

حبيبتي لا يضيق صدرك

المخطط حلو
كل السالفه بعض الملاحظات اللي ممكن تتعدل


عندك الدور اللي تحت :
انتي قلتي تلغين الملقلط او غرفة الحريم !! هل لانك تبين الص2اله تكون اكبر؟ والا ما تبينها مستطيله؟
والا انتي ما تحتاجين المقلط؟

واذا ما راح تشيلين المقلط :نصيحه:
الباب اللي من الصاله للمقلط لا تخلينه باب عادي: خليه باب سحب ابو ظرفتين (زي المسارح)
يعطي فخااامه وخلي الباب بعرض الجدار


- بالنسبة لقسم الرجال:
هل حريصه يكون فيه مدخل؟ والا عادي يكون باب الفيلا على المجلس على طول؟
لان عندي اقتراح بسيط يعرض المجلس بس ما راح يكون فيه مدخل,
وهو ان باب الفيلا يكون مايل : يعني من زاوية المجلس اللي تحت على اليمين الى زاوية الحمام اليسار(الله يكرمك)
وينشال الجدار حق المجلس اللي على اليمين

- بالنسبة للمطبخ الداخلي: احسه شوي كبير لانه بالنهاية بس منظر ,, يا إما تصغريه وتكبرين غرفة الحريم (اذا ضيوفك كثير)
أو تصغريه وتكبرين المطبخ الخارجي,, لان هو اللي يستخددم من جد ,, ومو حلو اببببببد المطبخ اللي تستخديمه استخدام دائم يكون صغير
بتجيك غلقه وضيقة صدر

____
بالنسبة للدور الثاني:
صراحة ما حبيت ان : تكون غرفة الطفل زي الممر الين ما توصلين غرفتك!!
تمرين علامطبخ بعدين غرفة الطفل بعدين غرفتك

ما عندي اقتراح صراحه للحين بس بحاول افكر لك (",)
- هل فعلا محتاجين حمام بكل غرفة نوم؟
ليه ما تسوي على الاقل جناح : غرفتين بحمام ,,
ترا الحمامات مكلفه !! تمديد مواسير ومويه والتشطيب كمان ,, سيراميك وخزف ,,,,

- حمام الغرفة اللرئيسيه:
ما حسيت لها داعي يصير زي الغرفه للكرسي !!
وعني انا شخصيا ما احب البانيو القزاز واللي يجيك مثل الغرفة !! متعب بالتنظيف ,,, هذا اذا تنظف زين اصلا


وأي مساعده انا حاضره:: وعالخاص ذكريني بليز لاني ما ادخل كثير وما ارجع لردودي

الله يوفقكم يا رب

ماشاء الله تبارك الله رووعه

الله يجزاكم الجنه فرحتوني وعطيتوني دافع وانتظر البقيه

لا اله الا الله