اول شي الله يعينك عليها..والله يهديها..
ثانيا قولي هاذا الدعاء قبل لا تروحين عندها...وان شاء الله الله بيردها عنك..
باسم الله خير الاسماء, باسم الله الذي لا يضر مع اسمه اذى,باسم الله الكافي,باسم الله المعافي,باسم الله على نفسي وديني,باسم الله على اهلي ومالي,باسم الله على كل شيئ اعطانيه ربي,الله اكبر الله اكبر الله اكبر.اعوذ بالله مما اخاف واحذر..الله ربي ولا اشرك به شيئا..عز جاهك وجل ثناؤك وتقدست اسماؤك,ولا اله غيرك.اللهم اني اعوذ بك من شر كل جبار عنيد وشيطان مريد ومن شر قضاء السوء, ومن شر كل دابة انت اّخد بناصيتها,ان ربي على صراط مستقيم ....<<تاكدي من الدعاء يمكن اني غلطانه فيه

وشوفي هاذا الرابط
http://forum.hawaaworld.com/showthread.php?t=409219

السلام عليكم و رحمة الله و بركاته ..

المشكلة يا أختي صادقة المشاعر إنه أمي شديدة
وقاسية .. وتعاملها مع الناس كتير رسمي ومجاملات ..
مع إنها إجتماعية .. بس لها هيبة ..

لكن على حد مرت أخويا تسير زي الحمل الوديع ..
وتسير مسلوبة إرادة و شخصية بشكل فظيع !!
وغريب !!
ومرت أخويا ما بقت فينا أحد ما أتكلمت فيه !!
وحتى في الشرف والأعراض أتكلمت ..
حسبي الله ونعم الوكيل فيها ..
الله ينتقم منها .. ياااااااااااااارب ..

وقسما بالله ماحد فينا آذاها ..
ولا أحد طلب منها ولا أجبرها على شي ..
ولا أحد أتعرض لها بكلمة ..
ولا عمره طلع مننا العيب قدامها !!
وطول عمرهم أبويا و أمي يراعوها ..
ويجيبولها هدايا هي وعيالها ..
وفي الولادة يجيبو لها شي أهلها ما جابوه !!

وفوق كدة مانعة عيالها عننا ..
ولمن يشوفونا في أي مكان ما يسلمو علينا ..
تخيلي ما يسلمو على جدتهم و عماتهم !!
وأنا بالذات حاطتني في راسها من حقدها عليا !!
ودايما تحرش أخويا عليا ..
حتى من بعد ما أنخطبت .. سارت تحقد زيادة ..
تقول له كيف أختك تتزوج و أختي لا ؟؟
حسبي الله ونعم الوكيل فيها ..
النصيب بيد الله ياللي ماتخافي الله !!
وتقول له كيف يجيها عريس وتوافق عليه !!
ليش ما تمنعوها !!
هادي ما يصلح لها الزواج !!
سبحان الله !!!! ربنا خلق الزواج لكل الناس
إلا على حدي أنا سار حرام في نظرها .. الله ينكد عليها
ويحرمها الضحكة والفرحة الخبيثة الحقودة !!
حسبي الله ونعم الوكيل فيها ..
الله لا يبلغها إللي تتمناه فينا !!
وتحرشه عشان يحرش أبويا عليا وعلى زوجي ..
حسبي الله ونعم الوكيل فيها ..
شوفي ليا سنين من يوم ما أنخطبت و أتملكت ..
وألين دحين جالسين ماحنا قادرين نتجوز :( ..
حسبي الله ونعم الوكيل فيها ..
وتبغاني أتطلق بأي طريقة ..
الله لا يبلغها .. ويرجع شرها على نفسها ويبتليها ..
وتبغا الناس يحسدوني .. وكل ما شافت أحد تقول له
إني أتجوزت واحد حلووو و غنييييي ومادري أيش
عنده .. ومادري من فين جاها ؟؟ وكيف أتزوجها !!
وخلت الكلام دا ينتشر بين الناس والأهل والأقارب ..
مع إنه زوجي عادي جدا ولا عنده شي ولسة طالب !!
وسارو كل الناس حاسدينني وماهم داريين عن شي ..
وحتى لمن وريتهم صورة زوجي محد صدقني !!
يقولو جايبة صورة واحد ( وحش ) وأوريهم هي عشاني
خايفة على زوجي الحلو من الحسد !! سبحان الله ضيق العين
والحقد والحسد كيف يسوي في الناس !!
حسبي الله ونعم الوكيل فيهم ..
حسبي الله ونعم الوكيل فيهم ..
حسبي الله ونعم الوكيل فيهم ..
الله يفك عننا السحر والعين والحسد والضر و يرده على أصحابه ..
يا أرحم الراحمين يارب العالمين يا ذا الجلال والإكرام :26: ..

أقولك عيالها مخوفتهم مني !!
لمن يشوفوني يروحو يتخبو وراها !!
وبعدين أكتشفت إنها مفهمتهم إني أنا كنت أحب
أموّت الأطفال و كنت أبغا أقتلهم وهما صغار !!
حسبي الله ونعم الوكيل فيها .. الله ينتقم منها ..
شوفي كيف تسمم أفكارهم ..

وكلام لو أحكيكي عنه من اليوم للسنة الجاية ما يكفيني ..
حسبي الله ونعم الوكيل فيها ..
الله ينتقم منها يارب ..

وحاقدة على أختي عشانها موظفة ..
وكل ماشافت عند أختي شي تحسدها ..
وتروح تسوي لأخويا شر عشان يجيب لها زي أختي !!
سبحان الله .. هي موظفة وبتمتع نفسها من فلوسها !!
ماهي فاشلة زيك ما معاها غير إبتدائي ونص متوسط !!
فوق شينه قواة عينه !!
حسبي الله ونعم الوكيل فيها ..

ودايما تتكلم عن أختي .. وتتمنى إنها تتطلق وتتشمت فيها ..
وحتى لمن مرة واحدة في حياتها سارت مشكلة بين أختي
وزوجها .. نشرتها بين العائلة كلها .. وفضحت أختي ..
وخرفت كلام عليها وعلى زوجها .. و أتشتمتت فيها
شماتة ما يعلم بيها إلا ربك ..

وموقعة بينه وبين أخوانه .. ومخليته يكرهنا
و يحقد علينا و مفرقة بيننا ..
وتفهمه إننا ما نحبه ومانبغاه ..
وهي بس إللي تحبه في هادي الدنيا !!

وأخويا الأهبل يصدق كل شي تقوله !!
( مع إنه كبير في الثلاثينات ماهو صغير و جاهل !! ) ..
تخيلي يقول لأمي : إنتي لما تشوفي مرتي عند الناس
ليش ما تروحي تسلمي عليها ؟؟ !!!!!!!
ويبغانا لما نروح أي محل و نشوفها نسلم عليها
ونبوس راسها و نقدرها قدام الناس !!
وهي حتى أمي ما تسلم عليها ولا تحشمها عالأقل قدام الناس !!
ويبغا أمي تتصل عليا و تترجاها و تعزمها عشان تجي الزيارة
العادية إللي المفروض كل ولد يزور أمه أسبوعيا أو شهريا !!
ويدافع عنها بطريقة مو طبيعية ..
لدرجة إنه يبكي عشانها و هو قرب الأربعين !!!!
يبكي و يقول إنتو ليش تسوو فيها كدة ؟؟
حرام عليكم ؟؟
هي مسكينة ؟؟ هي مظلومة ؟؟ هي ماآذتكم ؟؟
إنتو حقودين .. إنتو حسودين .. إنتو ماتبغوني أتهنى بحياتي !!

يـــــا قــــــــــــهـــــــــــــــــــــــــري :26: ..

وتروح تسوي فتن في العيلة ..
و تقول علينا وتتبلى علينا بأشياء ما قلناها ولا سويناها !!
وفي ناس كتير يصدقوها !!
عشان هي تسوي نفسها طيبة قدام الناس وإنه إحنا
مورينها النجوم في عز الظهر !!
حسبي الله ونعم الوكيل فيها ..
الله ينتقم منها ..

وفوق كدة أمي ما تقول لأخويا شي !!
خصوصا من يوم جاه الضغط تخاف عليه منها !!
وهي عارفة شرها وخبثها .. بس ما تتكلم !!

سلفيني أم زوجك يا صادقة المشاعر لمدة
شهر خليها تعلم أمي دروس التنكيد والقهر وتنغيص الحياة !!


و يكون في علمك .. أمها مشهورة بالسحر !!
وما أكتشفنا هادا الشي غير بعد ما أخويا أتزوجها
بفترة !!

ودحين كل إللي في بالنا ومتأكدين منه إنه مسوية لأخويا
سحر عشان يسير يكرهنا وما يشوف غيرها في الدنيا !!

وأنا شاكة 99% إنها مسوية كمان سحر لأمي وأبويا !!
لأنه أقولك أمي مو طبعها السكوت !!
لكن على حدها هي بس أمي تسير زي الحمل الوديع ..
وتضيفها وتكرمها وكل شوية تجيب لها شي .. و تعززها
وماتبغا أحد يتكلم عليها .. ولو إحنا زعلنا ونقول لها ليش تسكتي ؟؟
تقول خلاص خلاص ما أبغا أقول له شي خليها بكيفها !!
وتسير أمي زي إللي خايفة وما تبغا أي أحد مننا يتكلم !!
يعني شوية تروح تقول لي روحي بوسي يدها و راسها !!
عساها القطع !!


وفوق كدة تقوليلي أمك طيبة وبنت أصول !!
أمي غلطها إنها سارت بنت أصول مع وحدة ماعندها
أصل ولاهي متربية !!!!
نفسي أمي تنقلب عليها ..
نفسي أمي تسوي زي ما أسمع من الناس عن أمهات الزوج
إللي يطلعو عيون حريم عيالهم ..
آآآآآآآآآه ه ه ه ه يــــا قــــــــــــــهــــــــــــــــــــري ..

بالله سلفيني أم زوجك يا صادقة المشاعر ..
يمكن تبرد قلوبنا شوية في مرت أخويا هادي :icon33: ..

والله قـــــــــــهـــــــــــــــــــــــــــر :( ..
ليش أمي ما تسير زي أمهات الأزواج الشريرين !!

يــــــا قـــــــــهـــــــــــــــــــــــــــــــــري :30: ..

ياشيخة الله يسعدك و يوفقك و يخلي لك زوجك وولدك :) ..
ياريت حريم أخواني فيهم ربع طيبتك وطيبة أصلك يا بنت الأجواد ..

وخليكي على خوف الله ..
و عمره ربنا ما يضيع تعب بني آدم ..
ولا تردي عليه وربي يعوضك خير ..
ودايما حطي في بالك : من ترك شيئا لله ..
عوضه الله خيرا منه ..

وأهم شي ولدك لا تعبي قلبه على جدته و أهل أبوه ..
خلي علاقته بيهم طبيعية .. ويجي يوم و يكبر و يفهم ..

وأسمعي كلامي إللي قلت لك هو في الردود السابقة ..
وفي بنات كتير كلامهم منطقي وعين العقل ..


تحياتي ..
جــــــــداويــــــــــــة

مااقول إلا الله يصبرك عليها ويهديها انشالله

واحمدي ربك مليون مليون مليون.....الخ
انها مو ساكنه معاكي في نفس البيت مثلي وإلا كان شفتي العجب بعد :30: :30:

وعليكم السلام ورحمة الله وبركاته

حبيبتي جداويه والله اني حاسه معاناتك وكانني عايشتها 0000
حسبي الله ونعم الوكيل على هذه الاشكال 0000 الله يرد كيدهم في نحورهم
حبيبتي والله وانا قاعده اقرا كتابتك احس انك مقهوره ومظلومه لكن لاتحزني حبيبتي الله معك وان شااااااااااااااااااااء الله يتمم لك الله زواجك على خير وتفرحين يارب وتكونين اسرة طيبه
مثلك
اما بالنسبة لزوجة اخوك ياويلهااااااااااااااااااااااااا من الله اذا كانت تستخدم السحر لزوجها ضد اهله اعوذ بالله صار الحرام عادي عندهم 000000 حسبي الله ونعم الوكيل فيها ان كانت كذا
اما بالنسبة لام زوجي ياليت في يدي اني اسلفك هيا هههههههههههههههههههههههه عشان طلع عيون زوجت اخوووووووك0

حبيبتي لاتحزنين صدقيني الله بيفرجها ان شاء الله شوفي انا معاناتي يمكن قريتي قصتي كلها ومع ذلك صابرة وبيجي اليوم اللي راح نفرح فيه انا وانتي ان شاء الله
بس انا اكتبت قصتي علشان حسيت اني مخنوقه مررررررررره 0وحبيت افضفض خايفه اني اتعب ويجني هبوط مثل ما جاني برمضان

لكن ياقلبي ارجع واقول لك رب مايضيع اجر الصابرين 000 ومرة اخوك هاذي بيجي يوم تبكي دم مو دمع دم على كل شي سوته لكم وانتم بريئين منه 00000 الله يمهل ولايهمل حبيبتي
والله ثم والله راح يجي لها يوم تتغير 180 درجه عن اول
بكرة اذا كبرت راح تحسف على كل شي سوته وتعض على اصابع الندم

الله يهديها ويهدي اخوك للحق انه سميع كريم مجيب
بس انتي ارفعي يديك وقولي آآآآآآآآآآآآآآآآآآآآآآآآآآآآآآآآآآآآآآآآآآآآآمين
وخلي الباقي على العزيز الحكيم
والصبر مفتاح الفرج وان شاء الله راح يلتم شملكم انتي وزوجك في بيت الزوجيه وراح تكتبين لنا هنا انشاء الله ابشركم تزوجت لووووووووووووووولش
وسعي صدرك حبيبتي وطنشي عشان تعيشي صحيح الموقف صعب بس لازم نحاول ننسى او نتناسى خليك مثل اختك صادقه المشاعر تتعرض للضطهاد ومع ذالك صابرة لانني عارفه نتيجة الصبر وعارفه ان الله مع الصااااابرين

وسعي صدرك ,,,,,,,,,,,,خلاص اتفكنا وسعي صدرك
وان شاء الله ماتشوفي الا كل خير

وتاكدي ان قلبي داعي لك 0000000000
ودمتي,,,,,,,,,,,,,,,,,

شكرا لكل من رد علي ولكل من دعى لي ولكل من حس بمعاناتي ولكل من قرا موضوعي الف شكر من كل قلبي لكن
واللي معاناتها مثل معاناتي الله يفرج لها ويعينها ويثبت قلبها ويريحها ويوسع لها ويشرح لها صدرها انه سميع مجيب
آآآآآآآآآآآآآآآآآآآآىمين يارب العالمين