وش رايكم يابنات في معاناتي؟؟؟؟؟؟ ام زوجي

صادقة المشاعر • 19 سنة

مخلصه لزوجها :

اختى الغاليه اجارك والله واثابك على ما فات من حياتك فى هم من سبب عمتك المهم اختى لا تاتي الحلول وخاصه التى تغير مجري حياة الفرد بالسهوله وبالتمنى فقط لابد من العمل ودعاء الرب فى ان تجري على نحو انتى تريدينه . غاليتى انتى شخصيه ضعيفه وسبحان الله وافق زوجك طبعك فانتما الاثنان شخصيات ضعيفه والشخصيه الضعيفه هنا اقصد بها محاولة ارضاء الناس كلها على حساب النفس والشخصيه لكم وهذا لا ينجح ابد مهما حاولتى مهما استخدمتى من الاسليب الطيبه لكن غاليتى عليكى باتباع الاتى :- 1- لا تكثري من المزح معهم اجعلى نفسك عمليه وقللي من التواجد بينهم فهذا ينفعك اكثر مما يسئ اليكي. 2- لا تحاولى ان تتمازحي واجعلى نفسك رسميه وكانك غريبه. 3- عمتك بالذات اذكري لها ان جاء سيرتها عند ناس تعرفينهم من اهلك ( ويا ليت هؤلاء الناس يكون محل تقدير عندها ) وسبحان الله انهم مدحوكى يا عمه _( قوليها بتعجب ولا تكثري منها )_ حتى تخاف من كلام الناس عنها وتتحاشئ تسئ لك خوف من لسانك 3- لا تمتدحيها بما ليس فيها ولا تتكلمى معها الا بما يحب الدين منك. 4-احقريها بعيونك وليس القصد هنا الاهانه (ل فهي كبيره فى السن واحترام سنها واجب) مع انها هي لا تستحق ولكن لا تجلسي فاتحه فمك فى وجهها والجلسه معها 5-لا تجلسي معها ابدا حاولى تحاشى الجلوس الا عندما يكون زوجك معك . واذا اتى زوجك وجلستوا وقالت من الكلام لى يضيق الصدر احقريه بنظره يفهم معناها واذا اختليتم قولى هذه المره طوفتها لا حشمه لها ولا هي لك الحشمه لولدي اللى تكون امك جدتها ولا هي ولسانها ماهي كفوا حشيمه وانت لى فاتح فمك ما تستحق تنهان بنت الريال على يمناك وانت فاتح فمك الذباب يدخله .والله لو زايره لكم ما رضيتها لى وكيف وانا زوجتك وام عيالك . لكن ما الومك اللوم شخصيتك لى ما تقدر تقولها يا امي حشميها ذى حشمتها من حشمتى واحترامها من احترامي ولا مره ثانيه ماهي جايه صوبكم 6- اجعلى من نفسك ذات سياده وقرار اذا تبي تشوف ولدك يشل ولده ويزور امه ويرجعون لك . ولا انتى حشمى نفسك من الاهانات من خلا نفسه سبوب لعبت فيه الدجاج. ولا تلومي احد على وضعك هذى فعايل يمناك انتى لى خليتيها تتمادي بفعلها ولسانها ولا لو قطعتيها وكسبتى زوجك ابرك لك . لا تتكلمى عليها بحديث شين حتى لا يتخذ ضدك ولا تتصرفي بعمل يشهد عليه زوجك ليس في مصلحتك . ولكن كونى انسانه غير اجتماعيه معهم ولا تخدمى ليش انتى سيلانيه لهم انتى زوجه مو خدامه لهم حال بناتها لى يسونه سويه وبس لا اكثر ولا اقل ومن خلا نفسه موطى داسته الرجول. خليكى ذربه بس عاد من التساهل لى ما يستحق وزوجك ذا خليه صاحب موقف يرضي لك المذله ولا لأ.

اختى الغاليه اجارك والله واثابك على ما فات من حياتك فى هم من سبب عمتك المهم اختى لا تاتي...

اختي كلامك كله صح بس انا ما احب المشاكل ووجع الراس لانها هي من النوع اللي اذا رديتي عليه تاكلك بالسانها

وبعدين انا ماني ضعيفة شخصيه صدقيني بس كل هذا احترام لها والا اقدر اقط كلام عليها بس اخاف من الله وخايفه انها تعلم زوجي ويكرهني بسبتها

والله انك صادقه مو كفو حشيمه والمشكله يا اختي اني صراحه ودي اقاطعهم بس مستحيل يطعيني زوجي والله مرة زعل علي يوم قلت له ماني رايحه :30:

بس وش اسوي وبعدين كيف تبينه يرد على امه هي تسوى عيونه الثنتين اما انا بنت ناس ويقدر يلقى غيري هو صحيح انه مقدر شعوري وعارف كل شي ولاهوب راضي لكن الشكوى لله امه وش يسوي لها غير اننا نصبر عليها لين الله ياخذها ونرتاح منها
ونعيش حياتنا مبسوطين ومحد يتحكم فينا بس الله كريم ان شاء الله
وانا في الاوان الاخيره صرت انطوائيه يعني اذا جيتهم اجلس بغرفتي ما قعد معها الاقليل اذا زوجي موجود لاني مالي خلقها واكرهه اشوفها وكانني اشوف ابليس قدامي 000 المزاح من زمااااااااااان قاطعته لانها مو كفو احد يمزح معها

شكرا لك على نصايحك

بنت كيوت • 19 سنة

واجهي زوجك وخبريه باللي يصير وخبريه انك ما تقبلين بالسب على اهلك ومثل ما هو مايرضى على امه انتي بعد لاترضين على اهلك ولا ترضين على كرامتك....

بنت كيوت • 19 سنة

وبعدين نسيت اقولك شي...

اذا استمر الحال مثل ما هو لا تتوقعين من عيالك يحترمونك ابد....وفي احتمال انهم ما يهابونك بعد ويهددونك بجدتهم...اذا هاوشتيهم

صادقة المشاعر • 19 سنة

اختي شكرلك 0000000 وبعدين من هي تكون عشان يهددوني فيها تراها ولاشي بس انا يوم اني ساكته علشان رضا الله سبحانه وتعالى ثم رضا زوجي 00

جـــداويـــــــــة • 19 سنة

صادقة المشاعر :

اختي ابريز شكر لك ايه نعم زوجي يرى ويسمع كل مايدور بيني وبين امه لكن وش راح يقول؟ هو اصغر عيالها ويحترمها وشكله بعد يخاف منها0000000 لانها عوبه رقم 1 الله لايبلانا 0

اختي ابريز شكر لك ايه نعم زوجي يرى ويسمع كل مايدور بيني وبين امه لكن وش راح يقول؟ هو اصغر عيالها...

السلام عليكم و رحمة الله و بركاته ..

أختي صادقة المشاعر ..
أول شي لا تدعي على أم زوجك ..
أنا ماني معاها ولا مع تصرفاتها ..
بس لا تدعي عليها ..
أقل شي قولي حسبي الله ونعم الوكيل و خلاص ..

تاني شي .. بما إنه زوجك الصغير فشكلها تحبه ..
ومتعلقة بيه أكتر من أي أحد من أخوانه ..
وطبيعي تغار منك .. مهما كان إنتي سرتي أقرب له
و يحبك و طول الوقت معاكي ..
فهادا الشي يخليها تغار منك وتحس بأنها فقدت ولدها ..
وإنك إنتي أخدتيه منها ..
فتكوني في نظرها العدوة إللي خطفتي منها ولدها ..

بس حكاية إنها تسب أمك و أبوكي هادي مالها حق فيها أبدا ..
وعمانك كمان أيشلهم ؟؟ و قولي لزوجك هادا الكلام ..
وحتى ردي عليها في وجهها وقولي لها بأدب لو سمحتي
يا عمة أنا أهلي ما آذوكي ولا سوو شي .. ولما هما زي
ما بتقولي ليش جيتو وخطبتوني منهم ؟؟
لو سمحتي لا تغلطي عليهم ..
أغلطي عليا أنا زي ما تبغي .. بس لا تغلطي على أهلي !!
و سوي فيها زعلانة وحتى لو تجلسي تبكي يمكن يحن قلب
زوجك ويقول كلمة حق سواء في وقتها أو بعدين ..

و قوليلها ترضي يا عمة بكرة يجي واحد يتجوز بنتك
ويسبكم و يهينها ويهينكم ؟؟

ثم سؤال تاني .. فين أبو زوجك ؟؟
لو هو موجود .. راضي بهادي الحركات من مرته ؟؟
و يرضاها بكرة على وحدة من بناته ؟؟
وحتى لو هو مو داري روحي أبكي له و أشتكي له ..
أما لو هو متوفي .. الله يرحمه و يغفر له ..

وبعدين إذا قالت حمل و ما حمل ؟؟ قوليلها
والله ولدك إللي ما يبغا .. و روحي أسأليه !!
( ما دام إنتي وياه متفقين على الحمل ) ..
و يابنتي كترت ولا قللت بطلي الحبوب وأحملي
وخشي في عيونهم .. و جيبي بزورة ألين يقولو
لك بسسسسسسسسسسسس كفااااااااااااية !! :) ..

ولمن تتكلم طنشيها .. ووزعي لها إبتسامات :) ..
والله تطق و تنحرق من القهر عشان ماهي قادرة
تخليكي تغلطي و تخلي أحد يشهد عليكي ( مجربة ) ..

وكل ما قالت لك سبة أو إهانة ..
قولي لها شكرا يا خالتي ..
مجملة و مشكورة يا خالتي ..
خيرك سابق يا خالتي ..
الله يعطيكي العافية يا خالتي ..
الله يطول في عمرك يا خالتي ..
ماقصرتي يا خالتي ..
الله يجزاكي خير يا خالتي ..

وهي بهادي الطريقة حتزيد و تثقل العيار شوية ..
بس بعدين لما تشوف ردودك كدة .. والله هي نفسها
جوة نفسها تحترمك وتقول هادي بنت ناس ومتربية ..
حتى لو ما بينت لك .. وحتلاقيها شوية شوية تخف عنك ..
وتنكسر شوكتها ..

وفي نفس الوقت تكوني قدام الله ثم قدام زوجك ثم قدامها هي
و قدام أهله مانتي قليلة حياء ولا رديتي عليها ولا أتجاوبتي
لإستفزازها .. يعني حتى لو تبغا تمسك عليكي شي ما تقدر :) ..
وفي نفس الوقت لو هي شرانية حتطرطع زيادة و تنقهر من أدبك ..

و خلي زوجك يسير عنده شخصية و قولي له إنت
قد كدة ماعندك كرامة عند أهلك ؟؟
يهينو مرتك و أم ولدك وتسكت ؟؟ يعني كأنهم
يسبوك بطريق غير مباشر !!
وإنت ما تحبني و إهيء إهيء :26: ..
و أنا ماني غالية عليك إهيء إهيء ..
وإنت ما تهتم بيا إهيء إهيء ..
وأنا عرفت قيمتي عندك إهيء إهيء ..
و أستلميه بالأسلوب الناعم إللي يحنن قلبه عليكي ..
ويحس بأنك مظلومة وإنك تبغي لها الرضا ترضى ..

و روحي لهم زيارات رسمية بالمرة ..
لأنك لو قطعتي الزيارة حتشحنه عليكي بزيادة ..
بالعكس خليكي قدام عينها عشان تشوفي وتسمعي
أيش بيسير ..
وبعدين حتطلع عليكي كلام ماله معنى لو قاطعتيهم ..

ولو قالت أزوجه .. قولي لها بين يدك وتحت أمرك !!
بس ما راح يلاقي وحدة زيي تحبه وتحطه في عيونها
وتتحمل عشانه إللي محد يقدر يصبر عليه ( وطالعي فيها ) ..
وهي حتفهم الموضوع .. ولو جرتك في الكلام و أستفزتك
وقالت أيش قصدك .. قولي لها يا خالة البيوت أسرار
وأنا الحمدلله على قد ما بيسير فيا .. حافظة وكاتمة سر
زوجي و أهله وكل إللي بيسير معايا !! و أسكتي و طنشيها !!
ولا تبيني لها إنك حتموتي على زوجك وخايفة عليه !!
بالعكس بيني لها إنك واثقة من نفسك .. و مو فارق معاكي
تزوجه ولا لا ..

وقولي لها لو لقيتي وحدة زيي ولا حتى نصي ..
قوليلي و أنا أروح أخطبله هي بنفسي و أزوجه بنفسي !!

وبعدين هو مو ( طلي ) لو قالت له تعال أزوجك حيقول
لها ( إمبااااااع طيب ) !!
الزواج مو لعبة .. وماهو بالساهل !!

وإنتي ألعبيها صح مع زوجك و أكسبيه و أملكي قلبه ..
>>>>>>>> علمي نفسك أول !!

والله من جد حاولي تكسبيه و كلي عقله بالكلام الحلو ..
وعاملي أهله بالطيب .. ولا تشتكي كتير ..
و لو أمه أتكلمت و رجعتو البيت طنشي ولا كأنها قالت شي ..
ولا تخليها تخرب عليكي حياتك و تنغصها ..
و هو مع الوقت يمكن يحس !!

وإذا أخواته طيبين خليكي معاهم ..
و حتى لو تشتكي لهم .. و أبكي لهم ..
و قولي لهم ليش خالتي تسوي فيا كدة ..
وبيني لهم إنك تحبيها وتبغي رضاها ..
وأكيد هما حيوصلو الكلام لأمهم ..

تحياتي ..
جــــــــداويــــــــــــة