وش رايكم .. يابنات ياهل الخير

لو انا بمكانك مأخذه والحمدلله دريتي باول الطريق ولا آخره ..حتى لو ترك التدخين وانتي شرطتي عليه يمكن يرجع

وش ذنــــــب اولادك مستقبلا بأب ليس كفوا اذا عمرك 40 وتأخذيه عشان تجبين اولاد فقط انا معك ولكن اذا اصغر اتركيه..

من ترك شيئا لله عوضه الله خيرا منه..

اتحدث من تجربه احذري المدخن وادعي لي بالزوج الصالح..

شوفي ياعسل التدخين مو سبب رئيسي للرفض يمكن بعدين على يدينك راح يبطله أما إذاكان على ماضيه فأنتي ماعليك منه قبل الزواج ومدام إستخرتي وارتحتي فأكيد خير لك

انا اشوف اذا انتى مرتاحه

توكلي على الله

شوفي حبيبتي انتي اتسخرتي رب العالمين وارتحتي
والتدخين امر مقدور عليه يا انج تشرطين
يا انج انتي بشطارتج تحاولين تخلينه يقلع عن التدخين بعد الزواج
والله يوووووووووووفقج
ونشوووووفج احلى عروس
انتي وجميع بنات حواء
امين يارب العالمين

:)

وعليكم السلام ورحمة الله وبركاته


أختي أنتي قبل كل شي استخيري وربي بيختار لك الخير , طبعاً قرري بالأول وش تبين بالضبط (الموافقة أو الرفض)
لا تستخيرين وانتي ماقد قررتي أصلاً لأن هذا مايسمى استخارة , صفة الأستخارة أنك تقرري بالضبط وبعدين تصلين ركعتين من غير الفريضة و تستخيرين ربي وتسألينه إذا كانت الموافقة مثلاً خير لك فالله ييسرها وإذا مافيها خير بيكفيك الشر

هذا للفائدة لأني شفت كثير بنات مايعرفون هذي النقطة



الشيء الثاني ... بالنسبة للتدخين والحبوب أتوقع معروف أن ماحد يتعاطاها إلا إذا كان ضعيف وقابل للتأثير بسهولة من أصحاب السوء
وحتى لو تاب , اللي ذكرتيه أنه باقي على الدخان ومادام ماترك الدخان ممكن في أي لحظة يرجع للحبوب

وبعدين للمعلومية , المدخنين تجي لهم حالات هستره مزاجية لو قدامهم أحد بيحطمون راسه , وهذا بيصعب كثير على الزوجة
وحتى لو حاولت الزوجه فيه يتركه والله مو بهذي السهوله لأنه إدمااااان يمشي في عروقه مو شي بسيط

وهذا غير ريحة القرف اللي بتشمها دايم منه غصب عنها حتى لو كانت مبسوطة هذي الريحة بتنكد عليها , ولما تجيب عيال يا بتضطر تطرد زوجها من البيت عشانهم أو الله يعينها ويعينهم على الربو وتلف الجهاز التنفسي اللي يصيب الأطفال من تدخين آبائهم



بالمختصر ....
إذا كنتي لسه صغيرة فأنصحك لا تتعجلي بقرار الموافقة إلا إذا فعلاً وعدكم يبطل تدخين .. وخليك صارمه من البداية لأن إذا تزوجتو خلاص مابتقدرين عليه بسهوله

وقبل كل شي أستخيري حتى لو عشر مرات وإذا حصل نصيب أعرفي أن هذا الزوج هو الأنسب لك حتى رغم عيوبه , وربي بييسر لك


الله يسعدك ويوفقك دنيا وآخرة ويرزقك الزوج الصالح والذرية الصالحة يااااارب