وش رايكم يافراشات تؤيدوني ولا لا

السلام على احلى فراشات
حبيت تشاركوني في موضوعي واشوف ارائكم طبعا انا نقلته من واقع تجربه
الموضوع ومافيه اني الاحظ ان شخصية الزوجه وبالذات عند اهل زوجها يصنعها الزوج نفسه انا طبعا لاحظت هذا الشي بشخصيتي طبعا مانكران زوجي بحياته ماعاملني بسوء عند اهله بس مقابل ذلك ماعاملني قدامهم على اني شريكة حياته ولنا حياتنا الخاصه ولي هيبتي واحترامي يعني قدام اهله احس انه مخليني ولا شي
على سبيل المثال انا اتضايق لما يجتمعون حمواتي احس اني ضعيفه لانهن والله مااحسدهن والله يسعدنا وياهن كل سوالفهن ماديه عن البس والماركات والسفر ومن هالسوالف والسبب ان زوجي قدامهم يبين انه مقصر معي من هالناحيه انا طبعا عاذرته يمكن قصده مايبين لاهله انه يقصر عليهم ومايقصر علي بس المشكله هذا الشي يضايقني بالذات لما اكون جالسه مع خواته وطبعا هن اغلب سوالفهن ماديه وانحرج حتى اني مااتكلم واصمت عند هالامور يعني لو كان زوجي مايتكلم قدامهم عن هالامور وانه مايقصر معي باي شي و مايحسسهم انه مقصر معي ماديا كان يمكن اتكلم معاهم واشاركهم لما يتكلمون ويصير لي هيبه شوي
هذا من ناحيه من ناحيه ثانيه وطبعا من واقع اعيش فيه ان زوجي هو السبب في اني اكون ضعيفه بالذات قدام اهله لاني احس انه مايحسب لي حساب عندهم ويبين لهم انه مايهتم فيني وطبعا كل هذا اثر بشخصيتي ونظرتهم لي والله اني احس نفسي ضعيفه مره حتى عيالي ماقدر ادافع عنهم مستحيل اسوي شي من نفسي اخافيحرجني قدام اهله والله حتى لما ابغى اطلب منه شي ولا يوديني لمكان مااقوله عند اهله وكأنه محرم اني اطلب من زوجي نطلع مع بعض قدام اهله يعني شخصيه مستقله مافيه يعني مستحيل يجيني قدام اهله يقولي امشي نطلع ولا ياخذ رأيي بموضوع قدامهم وان لي حريه والله الكل راح يعمل لي حساب اما كذا والله يا اخواتي احس حتى اهله يستضعفوني ومايعملون لي حساب والله عيالي ينضربون قدامي وينهانون مااتكلم احيانا حتىلما يكون فيه حريم ويتكلمون بامور مثلا عن السوق عن الشغالات عن الطلعات والله اني اصمت وماتكلم طبعا لما يكونون عند اهله لاني احس انه ملغي كل شخصيتي يعني مثلا لماقعدو الحريم يسولفون عن الشغالات وتقديمهن والله مااتكلم بالموضوع لان مصيري مربوط بمصيرهم مالي كياني الخاص ماسولف مثل سوالف الحريم
انا طبعا ماانكر ان زوجي حكيم جدا بهذا الشي انه مايظهر قدام اهله اهتمامه بي خوفا من الغيره بس هذا الشي يختلف من ناس لناس يعني فيه اهل يقدرون هذا الشي ان ولدهم مايفضل زوجته عليهم وفيه اهل بالعكس اذا شافو ا ان ولدهم مو عامل حساب لزوجته يركبون فوق راسها
بالذات اذا كانت زوجته ضعيفه بالعكس تحتاج ان زوجها يقوي عينها حتى لو كان قدام اهله وصراحه اللي يقهر اني اشوف كثير من الاهل يحبون يشوفون بناتهم مستانسات مع ازواجهن وعايشات بروحهن اما ولدهم يحبون يدخلون فيه شوي يعني مافيه عدل بالحياة