lawsi
والله هذا مو كلام هذا درر .. ومليون بالميه مقنع ... الله يجزاك خير ياختي وفعلا انا اعاني من اضطرابات نفسيه
والشريط اللي قلتي عليه هذا ان شاء الله بسمعه بس مدري وين ينباع ؟؟
وتسلم الانامل اللي سطرت هالكلمات اللي تشرح الصدر وتطيب الخاطر
والحمد لله انتي حسيتي فيني بالضبط ومثل ماقلتي لازم حل جذري ومن الاساس
:26: :26:

دلع السعد
شكرا لمرورك يالغاليه والله الكريم يوفقك بعد ويرزقك ويسعدك ويساعدك :26::26:

مرحبا أختي جرح وان شاء الله مايقتل :)

اذا وقفت على مشكلتك الأساسية (وهي الضرب وعدم الشعور بواجبك نحو أولادك) حتتحل مشكلتك وترتاح نفسيتك...

أختي..ناظري أولادك زين..شوفي ملامح البراءة فيهم..يستاهلون الضرب برأيك؟ وتحسبي بالضرب بيتعلموا وبيصيروا رجال..أي عقدة نفسية وخوف تبغي تربيه وتزرعيه فيهم..صدقيني لو فتحت قلبك لأولادك حتى مشقة الحمل وتعب الولادة بيصير أحب عمل لك سويتيه..يعني بالله اقري مواضيع البنات اللي موقادرين يحملوا..والله عيوني تدمع وقلبي يتقطع عليهم..وانتي حاطة غلك في أطفال مساكين حتى كلام لسه مايعرفوا يقولوه عشان يدافعوا عن نفسهم...

تذكري لما تجي تمدي يدك انهم أمانة في عنقك..تعرفي ان الله مئتمنك عليهم؟ مو الأمانة انك وديتيهم مدارس ونومتيهم واكلتيهم واشتريتيلهم ملابس..الأمانة هي المعاملة الحسنة..أنا مرة شفت في قناتنا الأولى شيخ كلمته وحدة تقوله انها ضربت ولدها وصار جسمه أزرق من الضرب وخايفة من عقاب الله..قالها الشيخ تطلع كفارة عن هذا الضرب..قالها هذي نفس مؤمنة ولافي أية أو حديث تقول اضربوهم الى أن يتشوهوا!! اذا ما صلوا هذيك الساعة اضربيهم بس مو أي ضرب..على باطن الكف وبكلام حازم مو تقوليله بتروح النار لو ماصليت..لا بالترغيب أولا

يعني لوجا لواحد فيهم ارتجاج في المخ وانتي مو حاسة أيش بتفيدك طريقتك هذي؟وهذول أولادك أيش يبغالهم طبخ يعني؟؟؟مندي؟؟؟كلها أشياء بسيطة وخفيفة بس في نظرهم شي كبير لانهم يحسوا حنانك لهم منها

أبدأي نظمي حياتك..نظمي تعاملك مع الأولاد..نظمي وقتك..اجلسي بهدوء مع زوجك...قوليله انك تعاني من سوء معاملتك لهم..صراحة وين بيروحوا أولادكم اذا انتي من جهة معصبة وأبوهم معصب...ماتدري يمكن الله يرزقك ببنوتة هالمرة تحنن قلبك وتضيف جو من الفرح في البيت...ارسلي أولادك عند أمك يغيروا جو..أو أحد من معارفكم عنده أولاد..طلعيهم العصر عند أحد عشان يخف الضغط عليكي..اقري قرآن واشربي موية زمزم وامسحيها على صدرك وادعي الله يشرح صدرك ويبعدك عن المعاملة هذه

الله يحنن قلبك عليهم

اسمحيلي عزيزتي اضيف بعض ماعندي انا معاك ان الحمل والولاده معاناه مابعدها معاناه وان تربية الاطفال يبيلهم نفس طويل وسعة بال ومو بس انتي الوحيده الي تضرب اولادها كل الامهات يضربون ولاتفه الاسباب بعد وانا لما اكون معصبه وزعلانه وخاصة من ابو العيال ماعندي غير عيالي افرغ شحنة الغضب فيهم بس الله يعينهم علي :29:
وياعيوني تاكدي ان الله اذا ارادانك تحملي بتحملي ولو سويتي المستحيل وخذي العبره مني انا حملت ببنتي بعد ثلاثه اشهر من ولادة ولدي الاول وكنت رافضه الحمل واسوي المستحيل علشان اسقطه كان عقلي صغير وقتها وكمان عمري كانت مشاعر وقت الولاده بعدها في عقلي ومو قادره اعيدها وحاولت وحاولت بس ارادة الله كانت اقوى مني وكمل الحمل وجات بنتي ناقصه يعني سبع اشهر وكانت مريضه بالقلب وكانت على طول في المستشفى وكذا عمليه يسونها لها في قلبها وهذا كله عقاب من الله لاني رفضه الحمل بس الحمدلله على كل حال :44:
ووالحمدلله الطب الان في تطور يعني لا تشيل هم الوحام والولاده كل شي متوفر وهناك الولاده من دون الم لاتخافي اتكلي على الله وهاتي اولاد لزوجك قبل مايفوت الفوت وتعضي اصابع الندم وتذكري الاجر في الم الحمل والولاده وان اولادك هم الي راح يحنو عليك لما يقسى الزمن عليكي :26:

ههههه يا حليلي أنا الحين بالشهر الرابع وبنتي عمرها 7 شهور.!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

لكن مع كذا ومع اني تعبت بالولاده وما أبي أحمل وتناقشنا وفهمته قلتله أبي أرتاح أقل شي سنه بس لمن شفت رغبته الشديده في انو نجيب 2 ورى بعض وبعدين نرتاح كم سنه اقتنعت.

فأنتي يا عزيزتي لك 7 سنين زواج وعندك 2 أكيد الرجال بيكون راغب بطفل ثالث.

يعني بصراحه زوجك وعيالك أولى واذا ما تعبنا عشانهم على مين نتعب على عيال الجيران .