وش رايك بالنفاس ببيتك والمجربه تفيدني

ياحبيبتي دام عادي عندك تولدي عند اهلك روحي واذا بتجيبين شغاله وتتطمنين من ناحيتها اجلسي في بيتك دام هذا الثالث لانك بتكوني عارفه بعض الامور والشغاله بتساعدك
انا ولدت الثاني في بيتي مامعي غير ربي ثم زوجي وكان يداوم وكان عندي بنوته عمرها سنتين بالضبط تخيلي حجم المعاناه بس مع ذلك اسبوع فقط الي عانيت لاني كنت تعبانه موت بعدها خفيت بديت اتحرك شوي شوي واعتمد ع نفسي وشوفينا عشنا نحمد الله مع ان ولادتي ببكري رحت لاهلي محموله مكفوله وحده من اخواتي تعتني باكلي وحده بالنونو ووحده تنومها ووالدتي الله يسعدها ومع ذلك ماارتحت الا لما ولدت جنب زوجي وفي بيتي بالثاني مع حجم المقارنه بين الولادتين بس النفاس في بيتي كان حلو بتسهيل ربي
فرزنت لي اكل وجبت اعشاب قبل اولد وماكان عندي شغاله بس زوجي يساعدني الله يسعده ويسويلي مشروبات ساخنه من الاعشاب الي جبت وبس
طولت عليك بس حبيت افيدك والله يسهل حملك وولادتك

انا ولدت في بيتي راحة مابعدها راحة جبت شغالة وخلاص
بدون حوسة وهجولة لعيالي مجهزة كل طلباتي من قبل أولد

حلووووو والله تشجعت باااااقي البنات وينكم

انازوجي لويشوفني احبي. مايجيب لي خدامه. بحملي الثالث. قررت انفس ببيتي. واضف عيالي عن خلق الله. كل واحد يلطشهم من جهه. ومايتحركون بحريه. ولما ولدت عيالي حولي. ومرتااحه. ادخل واطلع على كيفي ودايم فاتحه. اذاعه القران. واشتغل. تعبت. تعب. اول اسبوع. وبعدين. مشت الامور. والحمد لله

انا حملي الاول عندي امي يالبيه الخدماتي بعيونها ماقصرت واخواتي اخر الاسىبوع يجون ويخدموني ولا جتها خدامه الا في10 ايام تقريبا من ولادتي 


لكن حملي الثاني بعد شهرين تقريبا بنفس بيتي باْذن الله جهزت كل أغراضي أعشاب وادويه وملابس بيبي وكل شي مجهز وماعندك شغاله 

ربي بيساعدني وزوجي بيساعدني التعب كله اول اسبوع وبعدين خلاص

بيتي احسن وأريح لي ولولدي أغراضي عندي وكل منظم ومرتب