حبيبتي عشوق
اقولش شيء؟


انا ريلي دخل معاي وكان هذيك اول مولود انجبه بفضل الله
والحمد لله تدرين ويش صار بعد الحادثة؟؟

ريلي بدء يتعلج فيني اكثر واكثر وكل ما اتعب شوي هو على طول يجي ينبي ويواسيني
ويعني اشياء حلوة صارت بعد ما ريلي دخل وياي

وانا الحين حامل وان شاء الله اربي في شهر ديسمبر جولو آمين

وريلي جالي راح يدخل وياي مرة ثانية
تدرين ليش؟

لاني مع وجود ريلي والله ما راح اكذب عليج يخف الالم مع ان امي كانت وياي بس انا ما ارتحت غير لما ريلي دخل وياي




وانتي الحين ما تسالين حد روحي على طول واسالي ريلج اذا هو يبي يدخل وياج ولا لاء

واذا رفض معليش

اما اذا وافج صدجيني انتي راح تحسين بالفرج لانك مثل ما جلتي هذي ثالث مرة تنجبين
وانتي جلتي انك في بلد غريب يعني من الظروري جدا جدا جدا وجود ريلج معاكي

وان شاء الله تتفجون على شيء ما راح تنسونه طول عمركم

واتمنى لك دوام الصحة والعافية آآآآآمين

انصح بدخول الزوج مع زوجته ...وش ذا الكلام كل وحده تقول سمعت .....نبغى حقيقه.........
انا اكد ان لحظة ولا دة مولود جديد لحظات لا تنسى ....وكذلك وجود زوجك يخفف عنك الالام بالكلمات والدعاء
ترفع من معنوياتك وتصبركِ..........
ولاكون صريحه معاكم ان زوجي معاي فى ولاداتى كلها ....والحمدلله احس انه كان يشعر فينى ويخفف عنى...
وكنت اطلب منه ان يكون عند راسي....ولا يشوف شئ.....وهو حاس بصعوبة الموقف ومهو بفاضي يتفرج .........!!!!!
والله الميسر ....:27: :26:

هلا اخواتي

انا قريت الموضوع قبل اولد واحترت
وبعدين يوم جت ولادتي رحت انا وزوجي المستشفى بس انا تاخرت قعدت 12 ساعة بغرفة الولادة
بس والله ما هون علي الا هو
وبعدين جت امي وكملوا يا عمري سهرانين طول الليل
ويوم جاء البيبي يطلع امي تسالني اخليه يطلع؟؟اخليه يطلع؟؟
وانا دايخة ما ارد
انا كنت اسمعها بس ما ابي اقول ايه تقول وش ذي البنت
وترجع لزوجي تقول اطلع بره
وهو يقول بقعد
<<<<<<<<المرة تولد وهم يتطاققون
المهم ولدت وهم الاثنين عند راسي
زوجي من يميني وامي باليسار
وكل واحد ماسك يد يهديني ويدعوا ويمسحوا على وجهي
والحمدلله ولدت
اللي يضحك انه امي كانت تقول لزوجي ناظر الجدار(اللي ورا راسي)
هو يقول انا اناظر وجهك وهي الا تبي الجدار
عموما احس زوجي حس فيني ومقدر تعبي
ومجرد طلعت بنتي اخذوها لغرفة ثانية وراح معاها من نفسه وبعدين هم كملوا باقي الشغلات من مشيمة وخياطة


ربي يهون عاللي تنتظر ولادتها

اهلين حبيبتي ام حمودي
وااللة ريحتيني بكلامك هذا مشكورة وايد صدقيني انا من النوع اللي اذا زوجي معاي ارتاح وايد بس المشكلة هذيك اللحضات المرة ماتحس بنفسها من الالم اللة يهون علي وعليك وعلئ باقي الحوامل ان شاءاللة
مشكورة علئ كلامك ياعسل واللة يطمن بالك ويقومك بالسلامة يارب:26:
عشوق:27:

بصراحه الأفضل دخول زوجك معك لأن لابد ان يحس بكي حتى يقدر مدى المعناه التي تعيشها