... وش رايك زوجي يحبني والا يكرهني .... ؟؟!!

بسم الله قبل ماابدا هذي قصة صديقه غاليه على قلبي والله وابي مشورتكم ورأيكم في حالها..

اولا...هي انسانه جميله نظيفه مرتبه في لبسها وبيتها طباخه مخلصه لزوجها رافعه اهله فوق راسها بشهادة الجميع انسانه ذوق اخلاق تمرض نفسها لراحة زوجها..

ثانيا...زوجها انسان خلوق محترم فيما يظهر للجميع مايتكلم في زوجته بشي يسيئ ويثني على اهلها..

المشكله هي :
زواجها قارب يكمل السنه الثالثه كلمتني من كم يوم وهي تبكي وتتألم ومحروق قلبها من زوجها تقول لي هالكلام على لسانه طبعا....
(( من تزوجت الى يومي هذا دايم يسبني يشتمني ويلعني انا واهلي اذا طاح احد عيالي وهو يمشي والا يلعب يجي يضربني ويلعني كل مالبست لبس والله يكون ذوق حلو مااطلب رايه البس وانزل اكمل شغلي يقعد يسب في لبسي اسأله وش يعجبك من اللبس من الألوان يقولي انتي تلبسين اي شي يطلع موحلو.. اصلحله اشكال في الغداء ومعذبني على تناقضاته مره يقولي الجريش لاتحطين معه شكل ثاني واذا سويته قام يهوش انتي مو سنعه بس جريش مافيه رز عذبني مره يقول لاتصلحين سلطه ولا ايدام مااحبهم واذا صلحت الغداء كبسة لحم اودجاج اكلته المفضله يقعد يهاوش ليه ماجبتي معه سلطه واقوم اصلحله سلطه والله مايلمسها يهاوشني صلحي حلى قلتله انا كاتبه اغراض الحلى اللي تحب من اسبوع ولا جبتهم يقول الله يعميك كل هذا للحلى مايبغاني قدامه ومايبغاني جالسه يبغاني اشتغل ليلي مع نهاري عشان انهد وانام بدري وتجي الطامه الكبرى دايم على النت جالس واذا صحيت اصلي الفجر الاقيه يسبح واروح للنت والأقي بلاوي متلتله صور اباحيه تقول مااكلمه عن اللي شفت وماكأني شايفه مع انه الوضع عنده طبيعي يدري اني ابصحى واشوفه يتسبح والجهاز فاتحه لكن بايعها انا متمسكه فيه بسنوني ولا ابغى اصارحه هو يحبني والا لالأني عارفه الجواب بس بيننا عيال وكلمت ابوه وشكيتله عن تلعينه لأهلي بس ابغاه يكلمه ويعقله لكن مافي فايده كلمه لكن زوجي اذن من طين واذن من عجين :icon33: :icon33:ويفرح اليوم قبل بكره اني اقوله ودني اهلي لأن شغله معي على ماقالو يتصيد حتى لو ماكانت زله..
سؤالي : وش رايك زوجي يحبني والا يكرهني )))

بيني وبينكم تعبت نفسيا لها زود على تعبي الجسمي وصرت في حيره من امري ..لكن قلت لها حبيباتي في عالم حواء ماراح يقصرون في ابداء مشورتهم وآرآئهم اللي الله يجعل فيها الصلاح لصديقتي يارب ياكريم
وعذرا ان مالقيتو تعقيب مني لأني تعبانه ويالله كتبت الرساله بس لعيونها
الله يحل مشاكلها ومشاكل اخواننا المسلمين يارب ياكريم