ندو بنت الشيوخ :

الله يوفقكم حبيباتي. بالنسبه للي تسال هو ما يصرف عليهم. وكنت لما اطلب شي لهم مصروف كان يزمجر ويقوم الدنيا مايقعدها. سكت و صرت اصرف على نفسي وعيالي و اجيب اغراضي من منظفات وادوات المطبخ ومواد غذائيه. والغسيل و اثثت البيت و ووووو اتقاء لشره لاني لو بطلب مثلا مناديل قعد يصارخ و يزمجر وانا جايب العام و جايب وجايب ! خييييير ترانا عايله مو بس انا وانت وكنت اوقف له بالبدايه ليمن صار جن ماينتحاكا وبس مبرطم اربع وعشرين ساعه وينافخ وينتقد و يبي كل شي على اتمه. صرت اسكت اتقاء لشره لو اقوله جب جبنة حلوم مثلا يزمجر ويهوش طلباتك تعجيزيه ياللي فيك مايخطيك. طلباتك وطلباتك مع اني نااااادر ما اطلب طلب تعجيزي على قوله و صرت اخاف اطلب منه وبحكم اني موظفه اشتري اللي ابي لما اروح لاهلي و اجيبه معي عشان افتك من شره ولانه راكب راسه وحاط صوره سيئه عني وانا المزعجه وطلباتي واجد ! لاني اطلب مقاضي البيت ! الضروريات جدا. خلاص صار ينفخ عالطالعه والداخله وعلى الرغم من تقصيره معي وانعدام الحوار وانعدام الاستقرار وانعدام الموده الا اني بنت اصول واخاف ربي فيه مو مقصره عنه ابد كل شي على اتمه الوجبات كلها اسويها بوقتها ملابسه مرتبه ماتنقص ابد كل شي على اتمه لاااا وازيدكم من الشعر بيت ترفيه تمشيه مراعات مستشفيات تسوق جلسه معنا ومع عياله بالبيت كلها معدومه ! اهلي بالرياض يذبني عند اهلي ويرجعني لبيتي هذي وضيفته في الحياه وانا عند اهلي ودوني جيبولي ! ومع هذا كله لو احتاج اسلفه ارحمه مع اني اكرهه طبيعي كرهي له لانه مو معطيني ادنى حقوقي ! الحمدلله قلبي رحوم انسانه صافيه وقلبي طاهر. لكن كرهي له من تصرفاته و جحده لتحملي مسؤولياته. اخر شي يقولي ارخي يدس تراس شايله يدس مره ! انا تنقالي هالكلمه ! انا اللي شايله كل هذا اتقاء لشرك وقولي ارخي يدس يععع اكره الكلام بالسين هذا اسلوبه الله يعوضني خير بس

الله يوفقكم حبيباتي. بالنسبه للي تسال هو ما يصرف عليهم. وكنت لما اطلب شي لهم مصروف كان يزمجر...