وش ردة فعلك لو اكتشفتي علاقات زوجك القديمة

السلام عليكم ورحمة الله وبركاتة

كيفكم اخواتي

محتاجتكم ومالي الا الله ثم انتم

من العنوان واضح وش بتكون ردة فعلك لما تعرفي ان زوجك له علاقات قديمة

يابنات انا كنت اشوف زوجي كل شي لي بالدنيا كنت احبه وادلعه

لين جا الوقت اللي اراد ربي يكشفه فيها

تخيلوا يابنات سألته بهدوء انت مشترك في الفيس بوك حلف بالله العظيم انه مو مشترك

وسبحان الله نفس اليوم اكتشفت ان له حساب وكله بنات صارحته انكر في البداية وبعدين قال كلها قديمه

اكتشفت ان ايميله كل بنات وقلت له عندك ايميلات ثانية قال لاوالله بس ذي الاثنين واكتشف ان له ايميلات ثانه وكذا حساب بالفيس بوك مو بس واحد حتى برقم جواله

وبعدها اكتشف ان له قصايد عن بنات ومحتفظ فيها هو شاعر وشايف حالة وبس يحب يصور في نفسه ويتأمل نفسه

بعد مازادت المشاكل ونفسيتي تعبت اشتكيته عند اخوي وخاف وقتها واعتذر لي

بس يابنات كسر قلبي وش يعرفني انها علاقات قديمة ابغى اسامحه مو قادرة

تخيلوا لقيت عنده صور فنانات وبنات محتفظ فيهم

بس انا قلت له ترى انت متعب نفسك على الفاضي والا مادروا عنك ولابيطالعوا في شكلك ابغى اكسر غروره وشوفته بنفسه

هو وسيم وربي ذابحتني وسامته حتى لما يروح معي السوق البنات يلتفتون له وهو يزيد انه لفت انتباه البنات

بالله دلوني على حل وش اسوي معاه قلت له بالله عليك قد قصرت معك في شي قولي في شي ماعجبك فيني وانا اعدله قال لاوالله كل شي ابغاه فيك هو اعتذر لي وحلف بالله معد يعيدها

وانا خلاص حاسة مشاعري تجاهه بردت ولاني قادره ارجع له مثل اول