اول ماشفت زوجي

كان ببيت اختي

هو طلب من اهلي ان مايشوفني ببيتنا

عشان اذا الله شاء وماصار نصيب

يكون كل شي صار بهدوء

لأن جيراننا متطفلين شوي ومن يشوفون سيارة غرييييييييييييبة

بقولون على طول هذي اكيد خطبه

المهم

المقابلة استمرت ثلاث ساعات

وكان قدامنا طبق فواكه

وكنت كل شوي اعطيه كرز

وهو يعطيني مشمش

وعيني اكيد كانت بالأرض

والحين دايما يقوووووووووول

ياريت كنا مصورين المقابلة فيييديو

لأنها كانت روعة

وطبعا اول ماشفته

دخل قلبي على طوووووووووووول

سبحان الله انا مثلك أختي {حمام الزاجل}أتمنى زوجي يخلي عوارضه وما يحلقها بس هو ما يحب وأنا زوجي عكس ما أتمنى أبيض وأنا أحب السمار بس الله يصلحه ويوفقه وهذي الأشياء مي مهمه المهم المعامله والطيب والله يصخرهم لنا .......

قضاء وقدر ما أجمل اللحية على الرجل ، تحسسك بالرجولة ويكفي أن حبيبنا محمد صلى الله عليه وسلّم كان ذا لحية وحرّم حلقها ، المفروض تشجعينه لأنك آثمة لو استهزأتي بها أو بشكله باللحية فقد يحلقها من كلامك ..
دمعة وردية لكِ نفس النصيحة فتقبليها أختي

الصراحه
اول ماخطبني زوجي هلي قالولي انه ابيض وسيم مره ويحب الكشخه وكله شياكه
بس خوفوني وقالو انه تخين عريض واقصر مني
وكنت انا متخوفه اكره شي عندي يكون زوجي اقصر مني
وكنت استنا اليوم الي املك فيه عشان اشوفه وارتاح
بس حتى ليله الملكه طلبو مني اشوفه بس انا رفضت قلت بعدين

وهو زوجي متخوف لان هله قالوله اني ضعيفه مررررررررره وخافون اني ماتتقبله
بعد الملكه صار بينا مكالمات على الجوالو دوم يلح علي ويطلب مني ان احنا نشوف بعض
ويقولي ماراح ارتاح الا اذا شفتيني وقتعتي فيني
وكان حتى هو يخوفني وقول انا تخين اعرض منك بكثير
بس صدقوني كل ذا يوم شفته كان كلام
صحيح دبدوب بس موبالشكل اللي وصفوه لى
و وسيم مرره وحلو وطوله زين علي
وكشخه وشياكه مررررررررررره
وانا احين دوم اندهله دبدوبي الحلو
بس اول ماشفته صدقوني دخلت عليه في المجاس
حتى السلام ماطلعت كامله من الخوف
درت ظهري وقفت حوالي خمس دقايق جسمي يرتجف وقلبي يدق بسرعه
ودموعي تسيل علي اجفوني وخوي يقولي اش فيك ميت عليك احد ويضحك
وزوجي يقولي جلسي اخاف تطيحين علينا وانا ماكاني اسمعه
قام اخوي وخذ بيدي وجلسني وكلمني وانا مابقادره اكلمه
قاله زوجي عطها مويه تشرب عطاني المويه وشربت
وجلسو يكلموني بس اذا لجدار اللي وراي رد انا رديت
طلع اخوي من يمنا جلس زوجي يمي وكلمني اشوي اشوي
وبعدين قمت انا اخذ وعطي معاه بالكلام
وقالي ليه هالارتباك وهالخوف اللي انت فيه ليه انا ماعجبتك
وقلته لا بالعكس
بس اعذرني انا خجوله مره اول مره اشوفك فيها لذالك بدر مني هاالتصرف وبدون شعور
وقالي ان خواته قالوله اني حلوه بس الصراحه طلعتي احلا بكثير بس ضعيفه مره
وقالي دخلت قلبك قلت له انت من اول مكالمه بينا دخلت قلبي
كلامك وسلوبك الحلو حببني فيك
وبعدين لبسنا الدبل...الخ
والحمد لله افتنعنا ابعض ودخلنا اقلوب بعض

يمكن تكون قصتي تضحك بس اتمنا ماتضحكون علي.....

بس مابي اطول اكثر من كذا

وفي النهايه احب اقول ان الشكل مطلوب
بس الاهم قلب الرجال واخلاقه والمعامله الطيبه

والله يخليلي زوجي وخلي لكم ازواجكم
واتمنا ماكون طولت عليكم
وشكرا....

ماشاءالله عليك جريئه