دانة الشاطي @dan_alshaty_1
عضوة فعالة
وش ريكم بوضعي
مرحبا اخواتي كيف حالكم من زمان مادخلت هالقسم والله لكم وحشه حبيباتي بغيت اخبركم عن اهل زوجي وابي رايكم الشي اللي سويته صح او ماله داعي انا عني ولله الحمد مستقيمه ومعجبه في تصرفاتي المهم ابغى اقولكم السالفه انا اهل زوجي مايطيقوني والسبب والله مادري ليش رغم اني في عزيمهم اشاركهم وسوي حلى وفطاير واخذهم معي ومااحب اروح لهم ويدي فاضيه واذا سافرةفي العطلة الصيفيه انا وزوجي اجيب لهم هدايا واذا رحت للسوق بس مو دايم يمكن بالسنه مرتين اجيب لهم اكواب اذا شفت شي غريب اجيبه لهم المهم البنات مايحبوني والله تعبت معهم بس انا اجيهم ويسولفون معي على الخفيف بس اخر مره والله يابنات اني انرجت مرررررررررره تخيلو يبنات اني جيتهم وانا لابسه انا وبناتي الثنتين ولا عطونا وجه سلمت وجلست والله يبنات يالله يردون السلام المهم وانقطعت عنهم يوم شفتهم كذا وانقطعت تغريبا شهرين وجت بنتهم في العطله اللي فاتت وبنتهم هذي طيبه مره غير عنهم طبعاهي متزو جه وفي مدينة بعيده انا لما جت عندهم صلحت حلى وفطاير ولبستبناتي ونزلت عندهم تخيلو ماشفت منهم ولا وحده الا بنتهم اللي جايه من السفر والله انه فشلت وزوجي عزمهم للبحر ولما طلعنا اخذت معي شاي وقهوه وحلويات وفطاير تخيلو وش قالت بنتهم طبعا هي كبيره ومتزوجه بس تنقهر اذا صلحت حلى انا ملاحضه عليها من اول تخيلو ماعمره سالتني عن طريقه حلى رغم اني ولله الحمد مميزه بحلوياتي دئماتسال اللي غيري عن الحلى وتكتب طريقته الا حلوياتي ابد ماتسالني مادري ليش المهم وحنا في البحر كل الحريم يسالوني عن حلاي واجاوبهم وفجات قالت هي انا اعرف هالحلي من زمان المهم ورجعت للبيت وما شفتهم ها بنات وشرايكو وش اسوي معاهم والله انهم سببو لي ضغط نفسي المعلوميه انا ساكنه في شقه فوقهم
16
2K
يلزم عليك تسجيل الدخول أولًا لكتابة تعليق.
أنا أشوف ياحبيبتي إنك سويتي اللي عليك ومنتي مقصره بشي عيشي حياتك وشيليهم منها وحتى لاتفكرين فيهم وزوجك خليه يبر بأهله لاتردينه عنهم وخليك معم رسميه أحسن شي وبين فتره والثانيه بناتك خليهم ينزلون مع أبوهم حتى يتعودون على الصله.
طنش تعش تنتعش الزم ما عليك بيت وزوجك دام انتي ما سويتي لهم شي خليهم بكيفهم اذا هم بنات فهم يغارون بس لما يكبرون بيعقلون اهم شي لا تتحسسين ولا تكثرين الزياره لهم وانتي بعد هل تنادينهم بين فتره وفتره ام بس انتي تروحين لهم بس لان احيان بعض اسباب كره خوات زوجات الاخوان لبعض الحريم انها دايم تروح لهم بس ما فكرت تطور العلاقه وتعزمهم سواء على عشى او عصريه يعني اذا هم كم مره عشوك انتي بعد وزوجك ازهموهم وسوو لهم وجبه تفرحم لانهم بيحسون انه من طيبك وكرمك وكذا تكسبين قلوبهم
الصفحة الأخيرة
اذا ما قاموا بالواجب كيفهم اخليهم اخر شي
بس الاهم ام زوجك وابوه
لاتقطعيهم ولاتجلسين بالاشهر
معليش حاولي كل اسبوعين علي الاقل تزورينهم
ولاتطولين مادام مو راغبين فيك
خلي جلستك بالكثير ساعه
وبناتك خليهم يزورونهم مالهم ذنب
ارسليهم مع ابوهم يسلموا علي جدهم وعماتهم
مع الايام بيقدرونك ويحترمونك
عامليهم باخلاقك انت مو اخلاقهم هم
الله يشفيهم