السلام عليكن ورحمة الله وبركاته
ولديت ولله الحمد قبل شهرين ونصف .. واهتميت بنفسي في الأربعين من ناحية الأكل والراحة والمشي المعتدل .. لكن ما طهرت وعديت الأربعين يوم .. رحت للدكتورة وأعطتني تحاميل ألبوتيل استخدمت حبتين يوم ورا يوم بعدها جاتني دورة الأربعين (أخت النفاس) وكانت غزيييييرة لكن خلصت وطهرت بعد 6 ايام ولله الحمد يعني نظفتني .
بعد 25 يوم من بداية هالدورة جاتني الدورة اللي بعدها لكن الدم جاء يوم واحد فقط وبعدها كله ينزل افرازات صفراء وانتم بكرامة واليوم 10 أيام لها وما طهرت !! اليوم الصباح استخدمت تحميلة ألبوتيل ونمت وصحيت على شي دافي ينزل خفت انه نزيف لأنه كثير فلما رحت الحمام شفت رطوبة عبت الفوطة الصحية لكن من غير لون يعني ماء كثير نزل من الرحم !!:09:
وش سالفة هالماء؟؟ هل هو بقايا ماء الجنين؟؟!!!
طيب وش أسوي عشان أطهر .. ؟؟ علناً بأني أرضع طبيعي ولا استخدم موانع حمل ..لأن الطبيب قال انها ما تصلح لي وقال بما أنك ترضعين طبيعي فبتشوفين افرازات في غير وقت الدورة وليست دورة ، لكنه ما قال ان الدورة بتطول علي كذا أول مرة تطوووول!
هل يحتاج أروح لدكتور ؟؟ لكن زوجي رافض يقول لاتخربطين بنفسك خليها على الله وبتطهرين طبيعي.
جاوبوني يا الخبيرات وش سالفة المويات ؟ وش أسوي حتى أطهر ؟:(
حديث الغيوم @hdyth_alghyom
عضوة نشيطة
يلزم عليك تسجيل الدخول أولًا لكتابة تعليق.
حديث الغيوم
•
وين الخبيرات؟
ذهبت للطبيب وقال: التهاب بالحوض وعادي يجي كثير للنساء بعد الولادة وعطاني حبوب وغسول والحمد لله خفت الافرازات وشفت الطهر .. وعلى فكرة كان الدم أقل من يوم وليلة ، ولما استفتيت في أمر الصلاة كان الجواب : ان الذي أتاني هو استحاضة وعلي اعادة الصلوات الماضية ..والله أعلم.
رجعت كتبت لكم اللي صار لي يمكن وحدة تقرأ موضوعي وتستفيد منه .. وشكرا للواتي أجبنني.
رجعت كتبت لكم اللي صار لي يمكن وحدة تقرأ موضوعي وتستفيد منه .. وشكرا للواتي أجبنني.
الصفحة الأخيرة