وش سالفة بعض الحريم والله يقهرن

السلام عليكم ورحمة الله وبركاته
بقولكم السالفه على طول اليوم رحت مركز تجاري ترفيهي ونزلنا نبي نلعب عيالنا الا واحنا بالملاهي يجي رجال كاشخ على سنقة10زي مايقولون اخوانا المصاريه المهم ومعه بنتين صغاراعمارهم 6و5 وش لابسات هينا الزبده تخيلوا لابسات بجايم نوم
وينادن ابوهن نبي هاللعبه طيب هذولا وين امهم ما تكشخهن وتلبسهن زي الناس انتي موديتهن ملاهي لبسيهن لبس يليق بالمكان والله اني حزنت عليهن يناضرن البنات الي لابسه بنطلون واللي لابسه فستان وهن ياحسره عليهن بتقولن يمكن ماعندهم فلوس اقولكن ابوهن كاشخ وباين انه شبعان
الخلاصه ياليت الامهات اللي زي كذا ترتب اطفالها عند الخرجه موشرط تلبسهم احسن لبس بس لبس مرتب مو بجامة نوم
وسلامتكـــــــم
انتن وش رايكن بالموضوع صادفتن ناس كذا.
:o