اي والله انج صاجة في كلامج يا حبيبتي قلتي الي بخاطري اقوله والله فيه وايد نماذج جذي في المنتدى حتى تلاقين كل قسم لازم يتكلمون فيه عن الزوج لدرجه ان كل شي يسوونه مو عشان انفسهم لاااا عشان زوجهم وبالمنتدى بعد لقيت حريم ما يرضعون اولادهم عشان لايخترب صدرهم ليش عشان ازواجهم ما يدورون غيرهم ومرة شفت موضوع عن وحدة تبي تفطم بنتها عن صدرها لان زوجها قال لها انحفي وماتقدر تسوي رجيم واهي ترضع وبنتها عمرها بس 6 شهور ومعتمده على صدرها ووحدة ثانية تقووول انها ما تنام وقت الي زوجها يكون صاحي حتى لو كانت نعسانة مرررة و تضطر انها تشرب لها منبهات و بندووول اذا صدع راسها بس لان زوجها صاحي بالله شتقولين عنهم هذيلا غير ان الله يهديهم

والله العظيم مايستاهل ولا راجل تكوني انسانة محترمة معاه الافضل كل وحدة تعيش لنفسها احسن وماتقعد تعبد الراجل تراهم مالهم فايدة غير ينكدو علينا وبس

كلامك درر
واشوف الي تسوي كذا مااااالها شخصيه

صادقه .. بكلاامك..

انا دايم اقوول ليش الرجالماعمرره سوى بحث بالنت عن المراه وش تحب وش يجوزلها وكيذا..

حتى مافيه منتدى اسمه ادم ...وكل واحد يكتب..مثل هالاحريم مايكتبون ويتسائلون وشلون تفاجئ زوجها وتسعده..

الله يخليهم لنا ويحفظهم...وبندلعهم ونغنجهم.. بس كلش بحدود

موضوع رااااااااائع وفعلا الوحدة لازم تعيش لنفسها شوي



انتبهو يابنات لاطاعه لمخلوق في معصيه الخالق مو تتركين الحجاب عشان يرضى الزوج