وش سبب هاالمظاهرات في العالم العربي فجاه من غير مقدمات مسبحه وانقطعت

مراحب حنا طبعا ياالحريم نبي نتفلسف بالسياسه حالنا حال الرجال بس على بعض لانه بتقولون سولفي مع رجال محد بيعطيني وجه المهم ندخل بصلب الموضوع




هاالشي اللي قاعد يصير هل سببه البطاله والفراغ والفضاوه يعنى مثلا حنا هنا بالدول العربيه عكس اوروبا مثلا المدارس تفتح 7 وتسكر 1 لو انها تفتح 8 وتسكر 3 او 4 كان غير
لو فيه نشاطات للشباب غير منهجيه الزاميه وبدوننننننننننننننننننننن فلوسسسسسسسسسسسسسسسس ببلاش كان امتصت الطاقه السلبيه اللي فيهم


لو الواحد من هاالعيال يمسك القلم ويحط حرته بتقييم مدرس سيئ عنده مثلا يسووون استبيان كل سنه يحس انه عبر عن رايه لو بشكل بسيط عشان مايناظر لبعيد

الشي الثاني كل شي مسكر وافتح سكر وافتح الين 8 ثمن افتح الين 11 يعنى لو الناس تصحى الفجر كلها وتخلص اشغالها لان كل شي بيقعد فاتح الين 7 ثمن كلن يسكر نامو افضل مايصير الواحد فاضي يهلوس




الشي الثالث البطاله لو كل الشباب والشابات اللي صو هاالرجه في بلادهم كلهممممممممممممممم موضفين في بلدهم يعنى مو يجيك شاب كله هرمونات نايم الين المغرب ويقعد ثمن يقلب راسه ورايح جاي بالشوارع الين الفجر اكيد الشياطين بتوسووسسله



وهااللمحلات والاسواق والمطاعم والشركات والمووسات اللي كل اللي فيها اجانب مع احترامي للاجانب بس مثلا لو فيها ناس تشتغل وتكرف وتتعب يعنى هاالمصاريه اللي بالسعوديه تضاهرو ابدا بالعكس كلهم و من سوالفي مع اكثر من وحده ماودهم لانهم هنا مشغولين عكس اللي بلدهم فاضيييييييييييييييييييييييييييييييييييييييييييييييييييين



الشي الرابع التلفزيون هاالاجيال اللي صالت وجالت شوفو عبر هاالسنين وش يتابعون مثلا جيل الثمانينات كان اخر جيل خجول ومودب مع احترامي للبقيه بس من هاالقنوات كلها رومانسيه وتعليم مبادئ منها الصدق والاخلاص مثل قصص عالميه وسالي والنساء الصغيرات مو قنوات هاليومين كلها طاخ طاخ طاخ والقوه الين تتطربقت الدنيا على روسنا ورجو البلاد كلها




الشي الخامس المناهج مثلا لارياضه لاموسيقى لاتاريخ غير تاريخ شعوبنا لو ندرس ادب شي يعنى اشغل ولدك لايشغلك هاذا مبداءي عبو عقولهم باشياء مفيده وغير ممله تضطر انه ينحرف بعدين واي واحد يوديه ويجيبه




الشي السادس ماتعودنا انا نعبر عن راينا بادب واحترام اصلا انك تقول لابوك ولا المدرس غلط هاذا جريمه عشان كذا صار تراكمات وانفجرو العالم يعنى ابدا شوي شوي خفف السلطه في العايله ثمن المدرسه وخل عادي الواحد يعبر عن رايه بادب مو بصراخ وبلاوي وتكسير



الشي السابع الحريممممممممممممممممممممممممممممممممممممم اساسا اساس المجتمع المراه فاالمراه لما تكون مطلقه ومالها حقوق ولا ارمله ورايحه الجمعيات تشحذ رز وسكر ولا بنت جامعيه وقاعده بالبيت تصير محبطه ومليانه عقد توقع منها ماتجيب الا اجيال منفجره ومايعجبها العجب


هاذا غير انك لما تروح اي مكان سواء في المحلات حتى النسائيه ياويلي كل اللي يشتغلون اجانب طيب اشترط ياخي انه مانقبل الا سعوديه وين راحو بناتنا ترا مو معناتها انهم ماهم محتاجين وشعب غنى بالعكس بس هاالبطاله بيجيلها يوم وتتحول الى مصايب





المثل يقول اشغل ولدك لايشغلك لازم يكون فيه من البدايه عشان مايصير عندنا في بلادنا العربيه هاالمشاكل اللي ممكن تدخل الدول في دما ء وحروب ويروح فيها اقتصادنا روحه يعنى اللي صار بمصر وتونس وغيرها وغيرها راح ندفع ثمنه على طول لانه صار بطريقه عشوائيه واساسه باالاصل هو الاحباط والبطاله وليس نوع من التعبير عن الراي ويسبب فوضى في البلاد وكل البلاد اللي حولينا اصلا حتى العيال الصغار لما يشوفو هاالاشياء لاتتوقع منهم اذا كبرو انهم بيصيرون اشياء غريبه عجيبه والله يستر من شي بيسوووووووووووووووووونه لانهم حسو ان كل شي مايجي الا باالعنف



نسال الله العلي العظيم ان يكفينا شر الفتن ويحمي شبابنا ويحمينا من شر زماننا حاولو توعون اطفالكم وتخففون خوفهم وانه هاالشي اللي يصير ان شاء الله اخر الشر وان شاء الله الله يحمي بلادنا وهاالشي مايجينا لامن قريب ولابعيد ويحمي عيالنا من شر انفسهم