وش سوى زوجي لما قرا مفكرتي؟؟؟

بنات بدش في صلب الموضوع بسرررعه لاني متحمسه ومستانسه وابي افيدكم مثل ما انا استفدت الخلاصة يا بنات ان زوجي رجل شرقي بكل معنى الكلمه يحبني اي بس ناااااااااشف مره زين اذا يطلع معاي او يقعد او حتى يفضفض لي باللي في قلبه قفل الله يهديه
المهم انا من النوع اللي غرقان للشوشته في الرومانسيه دايم بعالم ثاني وحلمانه اعيش قصه الف ليله وليله معاه كل يوم بس مثل ما قلت لكم في احلامي طبعا... طولتها وهي قصيره الله يصبركم علي المهم انااكتب خواطر واشعار وكلها تنصب في محبه زوجي وياريت لو هو يقراها او يعبرها هو عنده عادي ضربت في مخي فكرة ورحت لاقرب قرطاسيه واشتريت لي افخم مفكرة ورجعت البيت وهات يانسخ في هالخواطر والشعار والكتابات وحتى الاشياء اللي ما تعجبني في زوجي كتبتها باسلوب حلوو يدل على اني احبه وابيه يتغير والاشياء اللي احبها كتبتها يعني ما خليت شي في خاطري الا فرغته في هالمفكرة بس اكرر لكم كلها باسلوب حلو ويدل اني احبه واموت فيه وابي اعيش معاه بسعاده ومانسيت امدحه في بعض كتاباتي على الاشياء اللي يسويها واحبها .....الخ نجي للخطه اللحين بما اني اترزع واروح بيت اهلي كل يوم جمعه قعدت احوس والوس واخيرا حطيت المفكرة في مكان يشوفه زوجي لما يرجع بعد توصيلي بيت اهلي وانا واثقه مليون في المئه ان الفضول بيقتله وبيشوف المذكرة وبيقراها طبعا شكل المفكرة له دور كل ما كانت حلوة وجذابه كلما زاد الفضول..
عاد ما تقولون الا زوجي ماقاوم وقرا المفكرة وسبحان مغير الاحوال ذاك الرجال تبدل حسيته اخيرا حس بحبي واحتياجي له صار يقعد معاي اكثر من قبل يقول لي كلام حلو ويحاول يراضيني طبعا انا استانست ولا سالته ولا حتى لمحت له شلي غيره بس قمت وزيدت جرعه الحنان والحب اللي عندي والف الحمد لله ماشي الحال سمن على عسل ويارب يارب ان الفكرة تعجبكم وتسوونها وتستفيدون مثلي لان اللي اكتشفته ان الزوج يحب انك تدللينه وتحبينه مهما كانت عيوبه ويحب ان يحس انه مهم بالنسبه لك وانه فارس الاحلام دائما.
وتوتة توته خلصت الحدوته ..بانتظار ردودكم وارائكم..