وش سويتو قبل الدوامات؟؟

السلام عليكم ... الله أنا أول وحدة ههههههههههههه شو هالهبل... المهم انا بقولج شو سويت... قبل كنت اشتغل بشركة خاصة و كانت جبدي وااايد لايعة ومع ذلك كنت اهتم في بشرتي أجهزها حق دوام عدل... و الحمدلله الله رزقني بشغل في الحكومة و الحمدلله مرتاحة، أنا أساسا أعالج ويهي عند طبيبة لأني يوم بديت الدوام في الشركة كان وايد متعب و كنت دايما مرهقة و بعدين بديت احط اشيا طبيعية ...يعني ليمون و حليب يوميا و الله أوصل تعبانة و مع ذلك احطه، تعرفين علب الحليب السائل ابوقوس، انا اعصر عليه نص ليمونة صغيرة، و تخلطينه و بتشوفنه يغلظ، احطه ماسك على ويهي لمدة ساعة و اغسله، و اسوي المقشر حق الويه مرتين بالاسبوع نوع المشمش، بالاضافة اسوي النشاء و ماي الورد ملعقتين ماي ورد فنجان صغير ماي و تسخنينهم و تضيفين عليهم ملعقتين صغار نشا، و يصير مثل المهلبية و بعد تحطينه على ويهج نص ساعة تقريبا... هاي تجربتي و ان شاءالله تستفيدين.