وش سويتي بعد ماطلعتي من النفاس؟(للمتزوجات فقط)

صباح النور
وهلااااااااااا فيج ..
باقولج بالتفاصيل الممله من خلال تجربتي ..:22:

بس دقيقه وراجعه ..:42:

بسرررعه انتظرررك ياحلوة

اول شي قبل لاتولدين وقبل لاتنشغلين بالبيبي الجديد ..
روحي اخذي لج كمن قميص نوم حلوين ويفضل انهم يجون ضيقين خصوصا صوب البطن ..
وكمن لبسه سبورت للبيت مريحين .. ولبسات للطلعات يكونون كشخه ..
مجموعة عطورات للجسم ويفضل انج تغيرين عن الي تستخدمينه (( انا تلوع جبدي من العطورات الي كنت استخدمها وانا حامل او قبل ))
خذي لج مجموعه جديده مكياج وتبرعي بالقديم او اذا كان قديم وايد افضل انج ترمينه (( ستفادت من هالموضوع اختي ))
بعد الولاده ..
ماوصيج الراحه ثم الراحه عشان تردين صحتج
وعليج بالاكل الصحي ..
وتجنبي الاكل البارد يقولون مب زين ولا الرز يكبر البطن
بعد اسبوعين
باعطيج خلطه للجسم لكن شنوووو بتدعين لي ..
استخدميها مرتين بالاسبوع وشوفي البياض والنعوومه ..
هو عباره عن ماسك للجسم مكون من ..
ملعقتين كبار روب ، ملعقتين كبار طحين ، ملعقه زيت السمسم ، وشوية كركم ..
اخلطيهم وحطيهم على جسمج مده ماتقل عن ربع ساعه لي مايجف .. وبعدين تفركين جسمج بشكل دائري وتتروشين وتحطين سكراب ،، وعقب تحطين اي كريم او زيت السمسم ..

قبل لاتخلصين النفاس عملي حمام مغربي وماوصيج طبعا طبعا حف جسم ..
يفضل تغير من صبغ شعر و قص ..

الحين خلصتي هالاشيا ..
نروح حق خللة العروووس .. (( الغرفه ))
تغير الملحف وما الى اخره ..
العطور والبخور بس لاتكثرين عندج بيبي ويمكن هالشي يضره ..
تتعدلين وتتزينين وترجعين لزوجك عرووووس جديده ..

واي استفسار انا حاظره ومن عيوني ..

تبيني اعيد معاناتي مع النفاس.......................................والله شغلانه
بس اقولك اهم شي
روحي لاسوق وشتري كم تيور كشخه ,,,,,,,,,,,,,,,,,,,,,,,,,,,,, عشان ابو العيال يقول وش هازين
وروحي للكوفير وقصي واصبغي
وبعدي وانتي في النفاس لازم تمشين وتسوين رياضه عشان ماتطلع لك كرش ,,,,,,,,,,,,,,,,,,,
ولاتنسين الهديه لزوجك وبعد جيبي هديه لامه ,,,,,,,,,,,,,,,,,,,,,,,,,,,,,,,تعبت
هذا الي يحضرني الان اذا تذكرت شي اقولك

عذاري

اعطيه هديه ؟؟؟؟؟ هديتي البيبي يكفيه اكبر هديه
انا الحين الي ابي هديه ومو اي شي

امه بعد المفترض هي الي تعطيني مو انا