انا في البدايه تعبانه اصلا ولاهيه تحوسين في ذا البزر>>>مانست ولدي اربع شهور
والنها يه لاهيه في ذا الزوار ورا بعض مافيه نفس
اذا بديت استعد انبسط بالرجعه من زمان عن البيت ^-^

والله أتمنى ان بس أقعد اسبوع وارجع عند ريلي .. أحس انه صعبة نفسيا ان الوحدة اتم هالفترة كلها عند أهلها وبعيدة عن مكاانها ..
المهم .. أنا كنت أحااتي جسمي وردة فعل زوجي لما ييني وهالاشيا .. لكن كل شي يي بالصبر ومع الوقت فنصيحة لا تحملووون اجسامكم ونفسكم فوق طااقتها من الاستعدادات للرجعة .. واهتمي بصحتج وصحة البيبي الاهم ورااحة باالكم .. ومظهرج المرتب عند زوجج..

الحمدلله الحمدلله
أنا بعد ولادتي في المستشفى أرجع لبيتي وأمي تيجي عندي
وتعتني بي وبأطفالي ربي يخليها لي وزوجي مايقصر معي أبداً من ناحية مساعدتي
في رعاية أولادي وأنا وأمي نعتني بالمولود وطبعاً في تعاون متبادل يكون بيننا
وحتى أتم فترة النفاس وزيادة شوية وأنا في رعاية أمي الله يعافيها لنا يارب
ترعاني وتهتم بالنونو بالرغم من أن بيتها بعيييييييييييد لكنها في مثل هالضروف تجيني وماتقصّر معي أبداً حبيبتي تهتم فيني وفي عيالي
حتى مره قالت لي عمتي مين بينفسك
رديت عليها
طبعاً أمي
مافي غير الأم يحن عليك
وكأن عمتي زعلت مني
وصارت تجيني عادي كالأغراب يعني زياره واحده طول النفسه بقول معذوره بيتها بعيد ...
بس تصدقي يالشحروره المحروره حتى وأنا في بيتي أحس بعدفترة النفاس إني مشتاقه لشغل البيت
وترتيبه وإرجاع بعض الأشياء لمكانها ويعني أكون نشيطه وأبغى على طول أدخل المطبخ وأطبخ
وأقدم لأطفالي وزوجي وكده يعني حتى أمي تمنعني إني أسوي شي وتقولي خليكِ مع النونو ماتسيبيه وأرضعيه
سيبي شغل البيت لمّا يكبر شوي
حتى الشغاله أشوفها صارت بطيئه في شغلها وأحب أمشيها من عندي ههههههههه تغيير فظيع
ماشاءالله ,,, بس هذي هي الحياة لازم نعتمدعلى أنفسنا
تعود أمي لبيتها وأهتم أنا بزوجي وأطفالي وبيتي وربي يكون في العون
والحمدلله على كل حال :)

انا عمري مارحت بيت اهلي بالنفاس !!! وكان نفسي اروح تدرون ليش لانه بيت اهلي وبيت اهل زوجي مابينهم غير شارع يعني جيران ومع ذلك ماكنت اروح عند امي اقعد بغرفتي لين اخلص نفاس وام زوجي تمسك عني البيبي بس لما تكون فاضيه بالنهار واقعد طول الليل والنهار مع الياهل والعيال وراسي يدور
اما اللحين نقلت بيت بروحي وولدت اول عيالي ببيتي الجديد ومن المستشفى للبيت عدددددددددددل انا ماحب خلاص تعودت بالنفاس او غيره اقابل زوجي طول الوقت وعيالي وبعدين لو رحت بيت اهلي زوجي وعيالي وين يروحون ؟؟؟ يعني عيالي اوكي بيجون عندي بيت اهلي بس زوجي وين ينام ؟؟ في البيت بروحه !!! مستحيل !!!
وبعدين هو دايما يقولي لا تفكرين تباتين برا البيت وانا موجود لما اسافر والا اكون محد باتي عند اهلك على كيفك بس وانا موجود لاااااااااااااتحلمين !!!

اعتقد انها السالفه تعود يعني على شو اتعودتي من البدايه بس حلو تلقين حد يساعدك ويدلعك ويسهر معاك

انا اعتبر الجلسه عند الاهل ماتتعوووض
ومصيرك بترجعي لزوجك وعيالك
بس حلاوة النفاس عند اهلك




¯¨'*•~-.¸¸,.-~*' ¯¨'*•~-.¸¸,.-~*'
رشفة حنين ¯¨'*•~-.¸¸,.-~*' ¯¨'*•~-.¸¸,.-~*'
¯¨'*•~-.¸¸,.-~*'رشفة حنين ¯¨'*•~-.¸¸,.-~*'