وش شعورك لما تكتشفي انك اكبر غبيه

السلام عليكم حبيباتي

مره مقهوره كتبت موضوع وش طوله وماادري وين طار

المهم اخباركم عساكم كلكم طيبات

حبيباتي ارجوكم ابي رايكم او نصيحه او دعوه اي شيء تيح اشوي من بالي لاني جد مقهوره

انا كتبت من قبل كذا موضوع او يمكن لاحظتو كلامي بردودي

انا انخطب كثير بس مايصير نصيب تجيني حاله ضيق وارفض

لكن قبل سنه واشوي تقدم واحد ومن شافني انعجب مره فيني وانا كنت ادرس الموضوع وبعدها لما لقيت انه ولد كويس وبعد السؤال عنه حسيت انه اهله وهو جادين ومحل ثقه وافقت عليه بس اجلنا الملكه لفتره على مايرتب اموره ، وصرت اكلمه مكالمات بسيطه بعلم اهلي ..

وبعد فتره بدت تطلع المشاكل ومع اني حبيته من كل قلبي وهو اول حب والانسان الوحيد اللي اخترته من بين الكل وتمنيت احطه تاج على راسي لكنه جد جرحني بأسلوبه وتصرفاته و قررت اني ابتعد عنه خلاص وانفصلنا .. طبعا خطبتي ماكان يدري عنه الا خالاتي وكذا شخص من اهلي بس مو الكل ..

وظليت سنه متعذبه لاني جد حبيته وعلى طول بكي وكاره حياتي احس نفسي مقيده بس دايم كنت ادعي ربي يدلني ويهديني للي فيه خيري وصلاحي وفوضت كل امري له خاصه اني كنت احس انه الرجال ماراح يحافظ علي ابدا يعني مهما حاولت اغير الواقع واتخيل هو ماراح ينفع لانه ماكان نافع اساسا

وبعد كل هالمده انكشفت لي حقيقته وعرفت انه اكبر كذاب وراعي بنات حتى وهو كان خطيبي والادهى انه يكلم 4 من قريباتي .. لما كنت معه قالي عنهم وسألني وش يقربون لك لانه يعرفهم من الفيس بوك والماسنجر وبعدها قالي خلاص انه مسحهم بس انا ماحبيت حتى ادخل واشيك لاني انقرفت جد وظل احساس بداخلي انه لسا يكلمهم حتى بعد ما انفصلت عنه .

والان بعد كل هالمدة ربي استجاب لدعائي واراد اني اكشفه صح وخلاص يموت كل شيء بداخلي من ناحيته بالصدفة سحبت كلام من وحده من البنات وربي شيء فجع لي راسي وماقدرت اخليها بقلبي دقيت عليه وزفيته زف وهو يدافع عن نفسه ويقولي انه مستحيل يحط حاله من حالهم لانهم زباله وقلب الموضوع علي ويقول انه حنا ماكملنا مع بعض لاني ماحافظت عليه وجرحته وألف قصه وش كبر بس علشان يحاول يوقعني بالكلام ويخلي الذنب عليّ وبعدها قالي خلاص روحي ارتاحي الحين وبكره كلميني طنشته ومادقيت اليوم الثاني

وبعدها كلمت ثنتين من البنات وقالولي انه راح كلم الكل عني وصدمهم قال انه يحبني وانا احبه واني ماابيه يكلمهم
يقول لهم ليش مااكلمكم حنا اصدقاء والله العالم برضو وش قال .. المهم انه البنات ماكانو يعرفون انه كان خطيبي كلمتهم باختصار شديد وقلت ايه كان خطيبي وماصار نصيب وانا تعبت وابي انهي الموضوع وقلت لهم اني عارفه كل حركاتهم من زمان وساكته لان ماابي احرجهم بمعنى لو وصل كلام عني مش كويس منه تراه مقهور .. اضطريت اسوي كذا قالو مستحيل هو مره محترم ومابينا وبينه شيء بس مانضمن لك لانه شايفينه مع وحده بالجامعه واظنه طالع معها وبرضو هالبنت اعرفها وكان زمان سائلني عنها ..

ماقدرت استوعب جد انصدمت فيه مع انه كان احساسي انه يكلم هالبنات بس كنت اكذب احساسي اقول يمكن غيره بنت تحب .. آخر شيء ارسلت له مسج ماوضحت كل التفاصيل اللي عرفتها عن وساخته بس كتبت له اني لو ادعي ربي مااوفي واني كشفت كل شيء وحقي لازم بيوصلني وراسي مرفوع .. بعدها دق علي كم مره وارسل مسج يقولي دقي علي بس طنشته ..


الحين علموني يابنات وش اسوي هالبنات كرهتهم وطاحو من عيني جد وهم موجودين بحياتي ولازم بشوفهم بكل عزومه بكل جمعة والا زواج جد احرجني وش اسوي هم يمكن مالهم ذنب ماكانو عارفين عني وعنه وكلموه زي اي واحد دامهم مش مضبوطات الغلط غلط اللي احترمته واحترمت اهله ووثقت فيه .. ما اقدر اتقبلهم واكيد لسا يكلمهم وش يضمن لي وش ينقال عني احرجني وانا اللي معروفه بثقلي وشخصيتي وسمعتي .

طبعا بيتنا علمتهم بكل شيء وقالو لا تخافين حنا واثقين فيك وهو كان خاطبك مو واحد تكلمينه من الشارع يكفي اني تحت عينهم وعارفين كل حركاتي .. الحين حتى امي مو طايقه هالبنات مره وكارهتهم وكان ابوي يبي يكلمه بس قلت له ماارضى تنزل كرامتك ذره لمخلوق زيه بس ماقلت لابوي عن البنات ابي استر عليهم ..

علموني يابنات كيف اشوفهم ومااهتم فيهم واظل رافعه راسي مع اني بجد احسن منهم في كل شيء بس قاهريني او يمكن اغار منهم علشان كانو يعرفو كل شيء عنه وانا لا والله ماادري وبعد ودي لو شفته بأي يوم مااهتم حتى لو بيوم تزوج وشفته معها لانه جد يكفيني كل الظلم والجرح اللي شفته منه


سامحوني طولت وكلامي ملخبط بس اوقفو معي انا جد ابي اقطع هالصفحه من حياتي وارتاح

ادعولي الله يريح بالي