وش صار بالدنيا ليش الناس كذا

السلام عليكم كيفكم ياحوائيات انا موضوعي اليوم عن مواقف صارت قدامي وراح اعلق عليها ولاتستعجلون وتحكمون على الموضوع بسرعة رجاء شوفوا الموضوع الى نهايته
الموقف الاول : ((في ايام العيد زارتنا ضيفة مع اطفالها وكانت معبيه شنطتها شبسات وحلويات وتطلع من شنطتها وتعطي اطفالها وبس وباقي الاطفال يتفرجون ))
الموقف الثاني :((طلعنا الحديقة مع قريبة لنا جت شغالتها وقالت مدام انا ابي ببسي قالت الحرمة لولدها الصغير رح مع الشغالة تشتري لها ببسي قال الولد انا ابي بعد ببسي قالت الشغالة انا اشتريله من فلوسي(الشغالة اكرم من كفيلتها)) الام رفضت وعطت الولد فلوس يشتري له هو بس اما الشغالة لا من فلوسها (فلوس الشغالة))
الموقف الثالث :((جلست اسولف مع وحدة (مدرسة )عن السوق وقالت لي انها شافت بلوزة وعجبتها مرة ونفسها فيها بس ماشرتها ليش لانها غالية سعرها
45ريال انتبهوا لسعر زين 45 مو450))
وكثير من المواقف بس هذي الي اكثر شي رسخت في راسي اجي الحين للتعليق :
بالنسبة للموقف الاول :((انا معكم هي حرة في تصرفها والموضوع جدا تافه (في نظر بعضكم )وحريم كثير يسونها يعطون اطفالهم والاطفال الباقين لا طيب الام بتصرفها هذا تزرع في نفس اطفالها الانانية وحب النفس طيب وش فيها لوعملت حساب الاطفال الباقين او على الاقل اذا كانت ماديتها ماتسمح تفك مثلا الشيبس وتتخلي الاطفال يتشاركون بأكله مع اطفالها او تقطع البسكوت وتوزعه عليهم لانها راح تاخذ اجر وتعتبره صدقة وفيها ادخال سرور على قلب مسلم :)والاطفال راح يحبون بعض وهذا راح ينعكس على امهاتهم لان سبحان الله الام وناستها من وناسة اطفالها:39: لان لو عطت اطفالها بس الاطفال الباقين اكيد:icon33: فامهاتهم راح يتضايقون لان يمكن مافيه بقاله قريبة او في ذيك اللحظة مامعهم فلوس فيا امهات ازرعوا في نفس اطفالكم الايثار وحب الاخرين ويكفي انك تجعلينهم يقتدون بصحابة الرسول صلى الله عليه وسلم عندما قاسم الانصار المهاجرين بأموالهم وبيوتهم ))
بالنسبة للموقف الثاني :((قريبتي الله يهديها هذا طبعها مع الشغالات مع ان قريبتي ماشاء الله تبارك الله ماديتها ممتااااازة المهم ان فيه حريم كثير يسوون كذا طيب وش فيها لو اعتبرتي الشغالة فرد من اسرتك واذا شريتي لاطفالك حلويات اشتريلها من فلوسك انتي لان الشغالة مسكينة تتغرب عن اهلها واطفالها ومومعقولة كل مابغت شبس او عصير ...الخ تشتري لها من فلوسها واذا كنتوا طلعاتكم كثيرة وماتشترون لها معكم على كذا راحت فلوسها طيب مثلا لوقريبتي عطتها ريالين اتوقع مب خاسرة شي الزبدة اتركوا البخل واحتسبوا الاجر وتذكروا قول الرسول عليه الصلاة والسلام ((في كل كبد رطبة اجر))(في مامعنى الحديث لاني ماحفظته زين )
بالنسبة للموقف الثالث :((انا معكم هي حرة بس انا قصدي ليش حريم كثير معهم فلوس ويبخلون على انفسهم انا ماقول اشتروا غالي وبذروا فلوسكم لا كل وحدة تمد رجليها على قد لحافها فهذي الحرمة لو كانت موب موظفة بعذرها لان يمكن يكونون فقراء او ابوها مايعطيها مصروف واذا كانت متزوجة يمكن زوجها مايعطيها مصروف او ماديته ماتسمح وتراعي ظروفهم لكن اذا الله منعم علي ليش احرم نفسي من شي انا قادرة عليه واذا مامتعت نفسي بفلوسي متى اتمتع بها))
وبس هذي المواقف ولا تعتبرون اني ذكرت هذي المواقف استهزء بهم لا (فالحمد لله الذي عافني مما ابتلاهم )لكن دايم تصير قدامي مواقف واسكت لاني لونبهتهم يمكن يزعلون ومومعقولة كل ماصار شي قدامي بجلس انتقد هم مباشرة فكتبت الموضوع عشان انبه الجميع وفي النهاية عطوني رايكم وتراني عادي اتقبل النقد ولكن البناء (ملاحظة الي يقولون تحسبون الموظفة بنك متنقل تراني ولله الحمد والمنة موظفة يعني ماحسدتها وانا قلت هي حرة بتصرفها والدليل على ذلك اني ماقلت لها شي لانها حرة وانا ادري ان فيه موظفات وعليهم قروض وبعضهم هم الي يصرفون على البيت ومايبقى في الراتب شي لكني اتكلم عن الي ماديتهااا ممتااااازة وتبخل على نفسهااااا ماقلت تشتري لغيرهاوترى الموضوع اخذ وعطي وخذوا الموضوع من جانب اخر