وش صار لقريبتي اللي اذتني

السلام عليكم ورحمة الله وبركاته


كيفكم حوائيات
انا اللي قبل 6 شهور تقريباً نزلت موضوع عن وحده من قرايبي تكرهني من الله فالله ويوم كنت صغيره كان تضربني وتجرحني قدام البزران
المهم عقب ماكبرت وهي مازالت واخر موقف صار بيني وبينها كان قوي مره وظلمتني وحكت فيني عند الحريم والرجال وقامت الحرب بيننا بما اني كنت سنين ساكته ولاني كبرت وفهمت


وللاسف لانها سايقه الدين عالناس صدقوها وكذبوني المهم انا من قبل لاتصير السالفه وانا اتحسب بس عقب اخر موقف فرشت سجادتي اخر الليل والله يابنات مانسى بكاي كنت ادعي عليها واشاهق من الغبببببنننه ادعي من كل قلبي ولانها كان متعاونه مع ناس كثير ضدي يعني لعبو بحسبة نفسيتي
هذي مقدمه عشان تعرفون طبيعة مشكلتنا
المهم عقب هالموقف بفترة الكم شهر عرفت انه جاها مرض خبيث واصرت امي اني اروح لها وكنت رااااافضضضضضه الفكره واقول ل امي هذي اخر انسانه تطلبين مني اروح لها كنت شايله عليها بقلبي الكثيييير ودايم مواقفها بين عيوني اصررررت امي وخواتي وقالو روحي روحة عشر دقايق واطلعي لله بس وعشان صلة الرحم


رحت يابنات ودخلت عليها ياللللله💔💔💔💔
سبحان الله طريحة فراش ماتتحرك حتى راسها مايتحرك بس عيونها حزززززنت وضاق صدري وهي نظراتها لي تحزن كنت ناويه اصافحها بسسس ، ولاتلوموني والله يابنات علت كبدي في حياتي بس بدون شعور بست راسها ويعلم الله اني مسامحتها دنيا واخره ولو اني مارحت لها وماشفت وضعها بعد اصرار من امي كان ماضعف الشيء اللي شايلته بقلبي عليها سبحان الله كل الحقد اللي بقلبي عليها تلاشى ولاكاننها حاربتني 17سنه ولاكانها تعبت نفسيتي ولاكأني كنت ابكي منها دايم اقول والله ماسامحها لو انها باسوء حالاتها بس يوم جا الجد وشفتها خلاص مابي شيء الا ان ربي يشفيها ويرفع عنها




سبحان الله يابنات زور المرضى حتى لو كان بينكم مشاكل الزياره تخفف اللي بالقلب اخخخخر شيء توقعته بحياتي اني انا وهالانسانه نصفى على بعض سبحان الله من زيارة عشر دقايق محت وجع سنين اللي ماكان في احد من العايله بيصدق انه بينمحي