وش صاير بالناس....؟؟؟؟

السلام عليكم

وش اخباركم عساكم بخير يابنات حواء يااحلى بنات:27: جمعه مباركه يارب..

والله اليوم قايمه وفيني تكه :( مع ان وقتي مو فاضي لكتابة مواضيع وللنت بس اليوم عندنا عزيمه فبيت جدي يعني قريبي مني وبس اتذكر هالعزيمه ويضيق صدري:44:

وش صاير بالناس كل سوالفهم عرس وعرس (اشوف وحده تدعيلي اعرس ترا هذي على راسها:icon29: )

لي فتره ملاحظه عليهم طبعا اتحمد ربي بس الي ضايقني وصدمني وهزني انه شلتنا (صاحباتي) صاروا كذا!! مع اني انا وياهم من اول دايم نضحك عالبنات الي كذا هذي اعرست وهذي خطيبها كذا شكله والثانيه سيارته كذا وهذاك مطوع وهذاك كان مطلق والثاني يقولون انه يدخن<<ياكثر حكيهم:09: لا وعاد تزويد بهارات وكلام مايحتااااااج ودي يصير باللي تكذب وتحط كلام على كيفها مثل قصة الولد الي يكبر خشمه كان شفنا نص حريمنا كذا>>>:01:

الي مضايقني لي فترة شهر كل مااجتمعوا اصرف واخر مره رحت (عند شلتنا) وانا كارهه نفسي تغيروا صديقات العمر:( معد شفت احد بذا الشهر ابد والعزيمه ذي بشوفهم وبشوف الناس وانا ابصم بالعشره كل سوالفهم ذي اعرست وذي انخطبت (ارجع اقول لاتحسبوني ابي العرس:09: ) بس متضايقه كل الي حولي هذي سوالفهم وانا متنكده ماعندي احد اسولف معه والمشكله مره قلت لهم وراكم قلبتوا عرس وعرس قالوا عادي كل البنات كذا<<البلا ان الكل كذا ومعد لي احد:44:

واليوم غصب اروح العزيمه ومافيها الا ذا السالفه (العرررررررررررررس:icon28: )

الله المستعان..

هو بس احنا الي صرنا كذا ولا كل الناس؟؟ علموني عشان اذا لسه فيه ناس صاحيين اشيل قشي واهاجر عندهم خخخخخخخخخخخخخخ


بس تكه فيني وحبيت اقولها ان شالله ماكون ثقيله........................
فمان الله..........................