لا يمكنك مشاهدة هذا التعليق لانتهاكه شروط الاستخدام.
يابعد الدنيا انتي وسعي صدرك وفيه اهل كذا واكثر بس انتي طنشي الكلام الي يصير ولاتحطين كل شي ببالك والا بتتعبين واحمدي ربك ان هالشي طالع من امك مو من احد غريب,,واتوقع ان الوالدهـ طبعها عادي بس يمكن اخوكـ الله يهديه هو الي يزودها ويعبي راسها وانتي قد ماتقدرين تحاشيه ,, ولاتنسين وانا اختس اقري على نفستس وعلى عيالكـ يوميا بالصبح والمساء الاذكار ,, والله يكون بعونكـ يارب ...
الرحم متعلقه بعرش الرحمن ووعدها سبحانه في الحديث القدسي ( أصل من وصلك وأقطع من قطعك ) فلا تقطعين في اهلك علشان اسباب تافهه تقدرين تتغاضين عنها لان امك لو تغمض عينها الله يعطيها طولة العمر بتندمين وتقولين ليتني تحملت وصبرت وبريت بامي بالنسبه لعيالك لا تاخذينهم لاهلك زوري امك زيارات قصيره وخلي عيالك بالبيت مع الشغاله وعوضيهم بطلعات ثانيه او اعزمي امك عندك صدقيني احب ما لامك دخلتك عليها فلا تخلين للشيطان عليك طريق
الصفحة الأخيرة
الشكوى لله ..اخوكم ذا ما يبيكم وراعي مشاكل .. ويستغل خوف امك من انه يطلع ويخليها .. فيضغط عليها عشان تضايقكم ..وامك المسكينة تهاوشك قدامه عشان ترضيه وتفتك من شره ...
لكن الله يعطيكم ويعطيه كلن على قد نيته ..
الايام دوارة .. وكل شر يزرعه بيحصده ..
لكن تدرين ... أحس الضحية في الموضوع ... امك المسكينة ..
يعني انتي واخوك الثاني تقدرون ما تجون عندهم وتكتفون بمكالمة امكم وتفتكون ..أو زيارة خاطفة
لها بدون الأولاد .. يعني اخوك هذا ماله حكم عليكم ..اخوك الكبير رجال وشايل عمره ...وانت لك رجل ومستقلة ومو بحاجته ...
لكن امك ... الله يكون بعونها ... لا تتوقعين انها تهاوشك وهي مقتنعة أو من قلبها ..
المسكينة تلقين قلبها يتقطع بس مالها حيلة ... تبي تفتك من شر هالولد ..
واللي يقول لها وهو يدري انك تسمعين ( عاد اسمعك تقولين لها تعالي ) وكأنه يهددها ..
أجل وش بيقول لها من وراكم بدون ما تسمعون ...
الله يعينها ويفرج لها ولكم ويكفيها شر هالولد العاق ..