وش صاير في مجتمعنا ..؟

بسم الله الرحمن الرحيم
السلام عليكم يابنات عالمي الجميل
ان شاءالله تكونون باحسن حال ..
واسمحوا لي يامشرفات وياعضوات
اتكلم براحتي. ان شاء الله بحدود الادب والدين والعرف..
يابنات وش صاير بمجتمعنا ؟
وش قصه الانفلات الاخلاقي اللي نشوفه ..
زمان كنا نشوفه بالتواصل الاجتماعي ونقول الشر برا وبعيد ..
الان نشوفه بالشارع ومن حريم كبار ..
وش صاير ؟
وين الحياء؟
وين الاخلاق ..؟
وين الخوف من رب العالمين ؟
زمان الناس على الاقل تستحي < قبل عشر سنوات مو زمان كثير

دراستنا حنا 12 سنه واغلبها توحيد وفقه وتفسير وقران
يعني نشأتنا الدينيه صحيحه نعرف الحلال والحرام والمكروه ..
ماحنا مثل غيرنا من الدول الثانيه اللي اذا يبون عيالهم يتعلمون الدين
درسوهم. بمعاهد خاصه وبفلوس عاليه
يعني مالنا عذر باللي نشوفه ..
الوحده تفتح الكام. بالثلث الاخير من الليل وربي نازل للسماء الدينا
ويقول هل من سائل ف اعطيه..
وهي تفتح الكام وتغطي وجها وترقص وتستهبل؟
مغطيه وجهك خوفا من الناس؟
وماخفتي من رب الناس؟
ماحترمتي ابوك اللي نايم وهو متاكد ان بنته قد الثقه ..
لا احد يقول الفراغ ؟ والبطاله ومن هالكلام
صدقوني كل هذا قله الوازع الديني ..
وفوق هذا تسيء للنقاب والحجاب ..
حسبنا الله ونعم الوكيل ..
ولا اللي تلبس بنتها اجمل ماعندها وترقص بنتها على شيله
والبنت نفسها ماهي فاهمه.وش كلمات الشيله ..
وترقص بنتها ام عشر سنوات
عشان تجيب مشاهدات ..
بعدين شهره ..
بعدين فلوس دعايات ..
بعدين تنعزم بالمهرجانات الصيفييه..
يعني المكسب المادي والشهره اهم شي عندها
ياايتها الام الفاضله ..
ماتعرفين عقوبه التكسب بالعرض،،
اقرأي عنها ..
ولا اللي تجي عمرها فوق ١٨ وتلبس بلوفر يقال انه
حجاب ..وهي نص شعرها طالع
وتجلس تنظر لبناتنا عن اهميه الاخلاق وان
الواحد مايتدخل بشئون غيره ..
عزيزتي ..
لاتحاولين تخدعين رب العالمين فحجابك >تعالى الله عن ذلك علوا كبيرا..
انتي قائمه عليك الحجه ..
لانك درستي شروط الحجاب ..
والاهم من هذا بعضهم وصلت فيه الجراءه انه يطلع فتوى
ان وصلات الشعر مو حرام
يعني ماكفاها الذنب والطرد من رحمه الله
جالسه تفتي >اختها معاها دكتوراه شريعه معقوله مانصحتها؟
وغير المناكير اللي له شهر. كامل ماتغير ما^دري كيف يصلون؟
غير الوشم والتاتو ووووو غيرها من المخالفات اللي واضحه الحكم فيها وضوح الشمس
لا احد يقول لي انهم من جنسيات ثانيه او او
لا للاسف انهم بنات مجتمعنا ومنا وفينا
وبث الانستاغرام خير شاهد ..
امس نزل مقطع لبائعه بكامل حجابها
تسوي حركات قذره وهي نفسها منزلته
انا ماادري وش تبي توصل له ؟
مافكرت بحركتها هذي انها تقطع رزق بنات سعوديات محترمات
مافكرت بحركتها هذي انها تسيء لسمعه بنات بلدها ؟
قريت موضوع الاخت اللي اخوها ضرب اختها
عشانها اشتغلت بائعه ..
يااختي لاتلوميينه. خايف على اخته من الاشكال اللي
كل شوي طالعه. اللي ماردعها لا دين ولا حيا ..
وللاسف للاسف اي فاشنستا تجي لبلدنا
بناتنا طوابير عليها كانها مقدسه
وليتهم بس مراهقات لا ..
الوحده ام عيال وتجي من الظهر بهالحر والشموس
وتدافع عشان مشهوره. مادرت عنها ..
الكلام كثير ..
ارجوكم ياامهات انتبهوا لبناتكم
ارجوكم انشئوهم صح ..
الدنيا محطه عبور ..
ولا احد يستاهل انك تعصين ربي عشانه ..
وبالقبر انتي وعملك الصالح فقط لاغير
واما جنه او نار ..
وعمرك لاتفكرين تتكسبين من شكلك او لبسك او جسمك
لان ربي وهبك شي جميل ونعمه حافظي عليها
النعم زواله ..
ربي قادر انه يرسل لك فيروس صغير. اصغر من راس الدبوس
يحطم كل جمالك ..
ركزي على عقلك اولا ..وشخصيتك ثانيا
واستري جمالك ..وارفعي مشاعرك النظيفه عن عابرين الطريق ..