انا ولدي يرضع طبيعي ويطول وهو يرضع الين ما ينام
وانا تعودت اسدحه وانام جنبه وهو يرضع الين ما يتعب وينام واخاف هالطريقة تتعبني بعدين لأنه متعود ينام وهو يرضع ولازم ينام جنبي على السرير قليل جدا ونادرا اذا نام في سريره
اتمنى اعوده ينام في سريره بس ما اعرف ايش الطريقة؟؟

اه ياقلبي الحال من بعضة صراااااااااااااخ مشترك بينها وبيني :09: الين تنام الله يحفظها يارب

بالنسبه لي بنتي عمرها 9 شهور و3 اسابيع.. يعني تقريبا 10 شهور...
اول والله ماكنت اعرف انومها.. واتعب معها...تسهر للفجر...
بس الحين عرفت كم تحتاج من الساعات للنوم... وحطيت لها جدول للنوم...
اخليها تنام في النهار من ساعتين لثلاث... وبعد الساعه 9 مااخليها تنام ابد... حتى لو مانامت ساعات كفايه بالنهار..
و لو بكت وفركت عيونها ماأخليها...
العبها اشغلها... وتنسى النوم.. ولاجت 11 ونص 12 ارضعها وعلى طول تنام لبكره الصبح... ماشاء الله :)

والحمدلله مرتاحه ... ولا اول متعبتني !!!

آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآه ه ه ه ه ه ه ه
توني اسولف على زوجه اخوي عن طريقه نوم عيال جارتي ما شاالله عليهم اعمارهم متقاربه ومرتاحه اكثر مني وانا ماعندي الا ولد عمره سنه ونصف
اذا يبون ينامون يروحون لفرشهم على الارض اعمارهم 3سنوات وسنتين واما ولدها الصغير عمره 4شهور تلفه بدون ربط وتغطيه عندنا ويظل ساكت ويناظر لنل لين ينام اذكروا الله

اما ولدي سالفتي طويله ومتعبه
***يوم كان عمره بالشهور<<من شهر الى4شهور>> كنت انومه بوقت النهار في غرفة الجلوس والتلفزيون مطوله صوته عشان يتعود على الصوت وعلى
الضوء لاكن بدون فايده من صار له 5شهور مستحيل ينام عند الاصوات واذا فيه ضوء يقوم بسرعه
وكنت اتعب حيل اذا رحت الى اهلي بيت عايله واكيد فيه اصوات والستاير وسط مو ثقيله يعني يدخل ضوء خفيــــــــــــــــــــف بس الخفبف هذا يصحيه من نومته الساعه6 او 7 بالكثير<<<انا في غرفه نومي مجلده شباكي بتجليداسود مايدخل الضوء نهائي يعني اذا عندي شغل وقت النهار ادخله غرفتي وينام يحسب الليل جاء ههههههههههههههههههه

***وصار له 9شهور وصار يتقلب كثير وماينام زين بسريره فقررت انومه على الارض بجنبي بس انه على الارض يعني كل مايصحى
انزل يدي لين اوصله واطبطب عليه لين ينام بس ما رضى ينام على الارض حاولت معه 3 شهور لين وصل السنه لكن بدون
فايده كل شوي يصحيني والقاه واقف ومتمسك بسريري ويبكي يبي ينام عندي لكن ارجعه وانومه عندي مبدأ ان الطفل
يفهم ويتعود على اي شي ابيه بس يبي لها وقت سالفه التعويد

صراااااااااااحه
تعبت واستسلمت رجعت سريره بجنبي وخليته على مستواي وبصراحه ارتحت شوي اذا نبي ننام اسوي له الرضعه وما اعطيه
الا بسريره والحين اتعود اذا شاف الرضعه راح لسريره ويرضع
والحين صار كبير ويبي ينام عندي يعني طمع الرجااااااال ويبي ينام معي بسريري لكن مستحيل اسمح له

والحين انا عند اهلي ومستانس تدرون ليش لاننا فارشين على الارض وبجنب بعض ندخل غرفتنا الساعه 12 او 1 واعمل له رضعه
وينام واذا مافيه نوم يتسدح علي وينام على صدري وبطني ويتقلب علي وارفعه عني ويظل ملاصق لي حييييييييييييييل لين ينام
لاحظت عليه انه مايبكي اذا ما جاه نوم لانه حس بأماااااااااااااااااااان
صحيح انه نومه مو متواصل يعني يقعد كل ساعه ساعتين يشيك علي انا بجنبه او لا لين نقعد

والعصر غصب ادخله الغرفه وأنومه يناااااااااااااااام نص ساعه تدرون ليش لان المعاناه الى الحين ماينام بالضوء ولا بالاصوااااات

ومستحيل ينام اذا ماني نايمه عنده

ما قلت لكم انه ما يستغنى عني وما يتركني يعني وين ما اروح معي للسوق للمطعم للطبيب ما يرضى يجلس عند احد وهذي اكبر
معاناه تخيلو برد واروح للسوق وهو معي من صار له 4 شهور بدت معاناتي هذي الى الان مايرضى يجلس عند احد

بنتي سبع اشهر تنام ارضعها واهزها وبعد ما تنام احطها في سريرها ونص ساعه وهي صاحيه وعلى دا الحال طول الليل بس انا سمعت من كثير ان الطفل لازم يتعود ينام لحاله وبكه ما يصحى يعني تحطي البيبي في سريره وتخليه يلعب لحاله حتى ينام وممنوع الهز او الترضيع وكده ينام اعمق بس صراحه ماني قادره اسويها بنتي مستحيل تنام من غير ما اهزها وارضعها عشان كد\ه كثير من الخبراء بيقولوا ليه تصحى كثير عشان ما تعرف تنام لحالها متعوده على الرضاعه والهز ودا غلط