وش علموكم اهلكم ؟؟؟؟؟؟؟؟؟؟؟؟؟

كيف حالكم يابنات قسمي المفضل ان شاء الله طيبون :heart:


مالكم بالطويلة وخلونا نبدأ بالزبدة المهم انا في بالي هذا الموضوع من زمان وهو اننا نجمع نصايح علمونا عنها اهلنا واستفدنا منها يعني نصااايح امهاتنا خواتنا الكباااار وصديقاتنا ووووو كل من تبون وتعزون :42:


راح ابدأ انا بالنصايح اللي استفدت منها من اهلي امي وخواتي وخالاااااتي وغيرهم .....



تعلمت انه ما يصلح اشيل بعدين اشقر لانه بيتحسس جسمي وبيطلع بقع الوان واشكال والصح انه اشقر بعدين اشيل

تعلمت انه اذا الوحدة بتسوي حمام مغربي وحلاوة فالحمام المغربي اول والحلاوة بعده بيوم ليه لانه الجسم حساس فما يصلح تشيلين وبعدين يتعرض الجسم لبخار وفرك

تعلمت اني ما المس الحبوب اذا طلعت لي ولا اضغط عليها واتحملها كم يوم ولا اتحمل اثرها سنين

تعلمت اني اذا غسلت بشرتي ما اجففها بالفوطة لانها عرضة للبكتيريا واستخدم الكلينكس كبديل

تعلمت انه خطأ علي ارش العطر على جسمي على طول لانه يسمر البشرة

تعلمت انه كلما شريت اكسسوارات اطليها بمناكير شفاف والفايدة يكون طبقة عازلة بين الاكسسوار وجسمي وبعد يحافظ على الاكسسوارات من انها يتغير لونها

تعلمت انه اذا كانت جايتني الدورة الشهرية ما البس كلوت ماسك لانه يمنع من نزول الدم وبعد ما اشيل ثقيل لان الرحم ينزل على قولة امي

تعلمت انه بعد في ايام الدورة الشهرية ما امسح المناطق الحساسة بمناديل خفيف مثل الكلينكس لانه يتقطع ويمكن يسبب لك مشاكل والافضل استخدام مناديل اللف ( الرول ) لانها اسمك

تعلمت انه الزيت اذا حطيته على شعري فساعتين كافية انه يستفيد الشعر منه وبالكثير اربع ساعات ومانخليه وننام فيه لانه من اخطر الامور وبصيلات الشعر اكيد راح تضعف في هذا الوقت الطويل وراح يكون عرضة للتساقط

تعلمت انه ما امشط شعري وهو رطب لانه بيتساقط والافضل تركه يجف شوية

تعلمت اني ايام البرد مااجلس على البلاط البارد ولا امشي فيه حافيه لانه يسبب مشاكل في الارحام ( ما ادري هل صحيحة او لا بس دايم امي تقولي اياها )

تعلمت انه اذا شلت منطقة الابط بالحلاوة ما استخدم الشب في اول يوم شيل ( للي يستخدمون الشب ) لانه بيحرق ويسود واستخدم مزيل سائل من الصيدلية وبعد 3 ايام اقدر استخدمها مرة ثانية



بنات الله الله بالردود :42: واذا ذكرت شيء برجع اكتبه لكم وهذي لكم عربون صداقة :26: