وش فايدة القرب من اهل الزوج ؟؟؟؟؟؟

السلام عليكم يا بنات

كيفكم ان شاء الله طيبين ... والله يقبل صيامكم وقيامكم

طبعا انتم اكيد ملاحظين ان فيه عوايل كثيره يفضلون انهم يسكنون هم وعيالهم جنب بعض .. يعني اما ان الاب وعياله يبنون لهم فلل او دوبلكسات جنب بعض او انهم يشترون بيوت قريبه من بعض ... والسبب انهم يبون القرب من بعض واللمه ... قال لمه قال :11:

اختي الصغيره ( اخر العنقود يا بعد الدنيا ) تزوجت من فتره قريبه وسكنت في مجمع مع اهل زوجها يعني هي فله وجيرانها سلايفها وبيت ابو زوجها !!

اول ما تزوجت كانت مبسوطه لانها بتسكن جنبهم لأنها اجتماعيه وتحب الجمعات والزيارات .. وكانت تظن انها ما راح تحس بالخوف في البيت لحالها اذا راح زوجها للدوام لأنها بتزور سلايفها او ام زوجها او هم يجون عندها وخصوصا ان اغلبهم مو موظفات ... بس انها اكتشفت مع الوقت انهم ما يزورون بعض ولا يكلمون بعض ولا حتى بالتلفون وان بينهم مشاكل كثيييره كلها بسبب القرب ، ومره كانت تسولف مع سلفتها فقالت لها السلفه انها ما عمرها دخلت بيت ولا واحد منهم ؟؟؟؟؟؟ !!!!!!!! وتقول اني كنت كل ضحى اروح لأم زوجي واتقهوى معها وبعدين بديت الاحظ انها تتضليق مني مع انها ما تجلس عندها الا نص ساعه ، ومره تسوي نفسها نايمه ومره تسوي نفسها طالعه وكأنها ما تبيها تجي ؟؟؟؟

ومره صار عند اختي عزيمه وما جو سلايفها واهل زوجها الا الساعه 10 بالليل ما كأن الجدار بالجدار ؟؟؟؟ وجو وكل وحده حطت رجل على رجل ولا جابوا معهم ولا حتى تمره !

وفي احد المرات تعب زوجها في الليل وكان ما يقدر يقوم من السرير من ألم شديد جاه .. صارت تتصل على اخوانه ما يردون ... وما وداهم للمستشفى الا اخوي اللي ساكن مسافة نص ساعه بالسياره .... ويوم صارت الساعه 10 الصباح دق عليهم اخوه وقال ( انتم داقين علي ؟؟؟ اصل جوالي كان على السايلنت ) !!!!!!!!!


اجل وش الفايده من القرب ؟؟؟؟؟؟؟

الحين اهل زوجي بيسوون مجمع نفس الشي ... وانا اقول لزوجي خلنا بعيدين احسن

انتم وش رايكم يا أهل المجمعات ؟