اهم شي رضى الرحمن الله خلقك لعبادته وعشان تكسبي الجنه هذا اهم شي فكري فيه

روحي ادخلي قسم مريضات السرطان ونتي تعرفين النعمه اللي انتي فيها
وس فيك؟ الحمد لله مو مشلوله شلل رباعي ومايتحرك الارقبتك؟
ولا تاخذين جرع كيماوي تلعب بشكلك
ولا فيك عاهه مستديمه
كل اللي فيك انك همشتي نفسك وسودتي حظك بمر اقبة الناس والتفكير فيهم ومايرضيهم
والسوال هو.. هل تحافظين علي صلاتك باركانهاوشروطها وواجباتها
هل عندك نوافل
كم تفهمين وتحفظيم من القران
هذي هي الحياه.. في اشياء مهمه احنا نتجاهلها وننشغل بالسطحيات

لاحول ولا قوة الا بالله
تعوذي بالله من الشيطان الرجيم ،،، انت مستسلمه للاحباط والاكتئاب والضعف والانكسار
هذا فيه اعتراض على الله وعلى قدرك ،، غمضتي عيونك عن النعم العظيمةاللي تتمتعين بها وضاقت عينك على ان شكلك مو حلو ومعك مرض السكر
استغفري الله واستشعري النعم العظيمة
السكر الان يصيب الاطفال واغلب الاسر عندهم مريض او اكثر بالسكر
ملامحك عادية مو عاجبك شكلك ،،، غيرك فيهم اعاقات او كفيفين ما يقدر يشوف بعيونه .. او يعيش على كرسي بعجل ما يقدر يروح ولا يجي لحاله
ربي اعطاك صحة وعافية وعقل تفكرين به وحواس سليمة واعطاك اعظم نعمة وهي الاسلام واعطاك امن وامان ومسكن واسرة ومأوى وملبس ومأكل وتعيشين عيشة الرفاهية (( حيزت لك الدنيا ))


غيري فكرك الضيق السلبي انت جايبة لنفسك الغلقة والفشل وش دعوى عاد تتمنين الموت عشان ايش ‼️⁉️
.. ثلث بنات البلد ما تزوجن وهن مامعهن سكر وما فيهن بلا ولا قفلو الدنيا على انفسهن مثلك ،، عايشات حياتهن بالطول والعرض ،،
ما خلقنا الله الا لعبادته ،،، ومن اعطم العبادات الرضى بقدر الله (( رضي الله عنهم ورضو عنه ))
مافيه اهل ينبذون ابنتهم ،، انت حارمتهم رؤيتك سعيدة ومتفاعلة مع الكل وايجابية ،، ماكان هذا حلم امك وابوك فيك ،، متعيهم ببرهم والاهتمام بهم (( ففيهما فجاهد ))
قومي اهتمي بعلاقاتك كلها واهتمي ببيت اهلك الطبخ متابعة النظافة
طوري نفسك ادخلي دورات روحي تحفيظ ادخلي نادي رياضي ،،، عودي نفسك على الضحك والابتسام والتفاعل مع الكل ،، لا تضيعين زهرة شبابك في ارضاء الشيطان والوقوع تحت سيطرته الشباب يروح ما يرجع لو كبرتي بتندمين انك ضيعتي شبابك بنفسك ،، اعملي للاخرة ففي العبادة وعمل الخير لب السعادة ..
روحي خذي يتيم واكفليه رضعوه من طرف اهلك واستمتعي لالراحة النفسبة وانت ترينه يكبر بسبب اهتمامك به وتعليمك له اصول الدين والادب والخلق الحسن

كل هذي الافكار والتساؤلات واكثر منها مرت علي
أقدر اقول لك وبثقه ان هذا هو قدرك تقبلينه وتحمدين الله وتشكرينه عليه تكونين من الناس اللي ايمانهم قوي ، ترفضينه تكونين من اللي ايمانهم ضعيف ومانجحو في هذا الامتحان ولا عرفوا قيمة الابتلاء ولا كسبوا اجر الصابرين .



الله سبحانه وتعالى خلقنا مختلفين وقسم لنا ارزاقنا ولكل منا له نصيبه في الحياة

ناس الله اعطاهم السعه والتيسير ورزقهم المال والبنون

وانا وأنتي وغيرنا الله اختار لنا هذا الحال واحنا من الناس اللي نعيش في ابتلاء وضيق هذا قدرنا لازم نتقبله ونتعايش معاه ونحبه مثل مانحب الحاجات الحلوه حتى وان كان مر قاسي يوجع نقبله لان اعتراضنا وتسخطنا ماراح يزيدنا غير سخط وضيق ورضانا يزيدنا رضى وايمان وربما يأتي الفرج من حيث لا نعلم .



يعني مستحيل يكون كل البشر عايشين في رخاء وسعاده بدون مشاكل اجل ليش في عقاب وحساب وجنه ونار ؟!
الحياه كذا فيها الميسورين والمعسورين والحمدلله على كل حال والحمدلله على قضاء الله وقدره ورضينا بما كتبه الله لنا ومأجورين بإذن الله .

كلامك هذا عن نفسك أكبر غلط ليه تدمرين نفسك وتحطمينها عشان مين ؟ما يحبونك بالطقاق ما تعجبينهم طز فيهم حبي نفسك وقدريها نفسك وذاتك أمانه عندك عيشي أيامك صلي فروضك أستغفري كملي دراستك شاركي في اعمال تطوعيه ادخلي حلقات تحفيظ لكن قهرك لنفسك وكرهك لها ما راح يزيدك الا غبن وتعب والحياة قصيرة وسعي صدرك وتقبلي نفسك زي ما انتي