جبت لكم اكله حلوة وشكلها جميل ولذيذه
وهي فطيره الظفيره بحشوه البيتزا
المقادير
ثلاث أكواب دقيق . ملعقه خميرة فوريه . ملعقه سكر . ملعقتين حليب بودر . ملعقتين زبادي . شوي ماء . شوي زيت
كشنه بيتزا . واحد فلفل بارد . زيتون اسود . موزاريلا . قطع دجاج
عجنت العجينه وخليتها تخمر وقسمتها كرتين وخليتهم يتخمروا
كشنت الكشنه حمرت البصل ع فصين ثوم وملعقتين صلصه وطماطتين مقطعه وخليتها تتسبك
جبت صدر دجاجه قطعته قطع صغيره وشوحته ع بصله وثوم مبشور . وربع فلفل بارد وملعقه خل وملعقه زيت زيتون وبهارات واقلبها بالصاج وضفت شوي ماء وغطيتها الين نضجوا ... هذه خلطه الدجاج استخدمها للكودو أو الفاهيتا او مكرونه القشطه او حشوه فطاير
نجي الخطوات
نمد العجينه بصحن الفرن ع شكل مستطيل لازم تنمد وتتشكل بالصحن وليس بمكان آخر
ونحط بالوسط شوي كشنه والدجاج والفلفل البارد والموزاريلا وتقطع الأطراف بالشكل ده
نقوم بظفرها وطريقه الظفر شوفيها من النت لما تكون بالشكل هذا ادهنيها بصفار بيض ورشيها سمسم وحبه سوداء
ندخلها فرن حار نولع تحت ثم فوق أنا خليتها ع 200 درجه الين صارت كذه 
بعد كذه قطعيها جذابه بالذات للأطفال وممتعه بظفرها وهذه طريقتها وهي مقطعه
طريقه الظفر تجيبي قطعه من اليمين إلى الشمال وقطعه من الشمال لليمين او شوفوها من النت وأثناء الظفر تحاولي تخلي فراغات بسيطه عشان النار توصل للحشوه وفي ناس مايخلوها فراغ
صور الخطوات بالتفصيل بأول رد
