وش فيها على

مساء الخير
الله يعطينا وإياكم الصحه والعافيه يارب العالمين والأرزاق
مشكلتي وحده من قريباتي البعيدين تكرهني كره مو طبيعي والله اني عجزت افهم سبب كرهها لي عمري بحياتي كلها محد عاملني بنفس المعامله اللي هي تعاملني ياها انا ابلغ من العمر 33 سنه عزباء ومحد تقدم لي وهي عمرها 41 سنه ام لثلاث اطفال قبل اسبوع شافتني وكنا بعزيمه رحت عند المرايات اشوف لشكلي قالت لي انتي بالمكياج ملكه جمال لاكن بدون المكياج مره عاديه ابتسمت لها ورحت عادي بعدين قابلتها بزواج وحده من قرايبنا يوم جاء وقت العشاء كنت مره جيعانه ورحت اقعد على صحن انا وبنت معنا وجات امي وبعدها ذي الحرمه جت وجلست تسولف مع امي وقالت لأمي بنتك ذي شكلك ماتبينها تتزوج خلاص يابنت الحلال كبيره زوجيها امي التفتت لي ومستغربه من كلامها قالت امي والله بنتي اذا جاها الكفو مابنرده والله يرزقها ويرزق بنات المسلمين ويرزق اختك حتى هي كبيره قالت آمين وتناظر فيني من فوق الين تحت
اكلت وقمت ورحت اقعد مكاني جت وقعدت جنبي وسألتني عن وظيفتي كيف هي ومن ذا الكلام وجاوبتها المهم بعدها قالت لي صديقاتك اللي بالعمل كلهم متزوجات ولا لا قلت لها بعضهم ايه وبعضهم لا: قالت ياحرام مساكين الله يرزقهم وموقف ثاني قبل شهرين صار وقدام زوجات خوالي شافتني وقالت الين متى وانتي قاعده في بيت اهلك وناظرت فيها بنظرات وقلت لها قاعده على قلبك انا :شكلها خافت شوي من ردت فعلي قالت يابنت امزح معك يازينك والله 🐍ليش حساسه كذا حتى زوجات خوالي استغربو من الدق بالكلام عجزت افهمها ليش مشغوله فيني كذا وليش متضايقه مني
والله العظيم يا اخواتي ان هذا اللي صار معي وليومكم الحين مستغربه وش فيها على وش معنى انا : هي بس اللي مأذيتني من بين معارفي كلهم وش تبي بال ضبط