لا حبيبتي فيه رجال يتخرفن وينعمي بصره ويمشي زي الاهبل لمجرد كلمتين معسولات قالتها له وحده بالحرام
البنت اللي تكلم متزوج متفرغه له تماااااما عكس زوجته اللي اشغلها بنفسه وبعياله وببيته وياالله تلاقي وقت تجلس معاه ووقت النوم تلاقيها مهدوده وهو يبغى حقه الشرعي تعطيه اما اي كلام او تمنعه اما هذيك فااااضيه كلام وغزل ومدح وتخليه سوبرمان زمانه ومافيه منه اثنين وتكبر راسه وتنفخ فيه حتى يطير السماء وتلاقيه عنده نقص حنان عوضته له ليه لغايه في نفسها وهي انها تتملكه قلبا وقالبا وساعتها كللللل طلباتها اوامر وكل رغباتها مجابه حتى لو كانت ماتملك من الجمال شي لكنها حسسته بانها وحده حااااااره وراح تسعده في الفراش وهذا اهممممم شي عنده خلاص ابش يبغى بالطبخ والنفخ و و و اذا اشبعت هالجانب عنده؟
البنت اللي تدور على متزوج وترسم عليه لازم تكون وحده ذكيه وجريئه وتعرف من اين تؤكل الكتف وتعرف كيف تخليه زي الخادم تحت رجلها

تدرين ليه بعض البنات يعاكسون متزوجين
لانها ماعندها ثقه بنفسها تحس ان الاعزب ما يتقبلها
عقلها وتفكيرها ما يتجرأ على الاعزب
تحس انه حق الجميلات
اما المتزوج حق مشي حالك
هي تستنقص من نفسها وتحقرها عرفتي فتطيح بالمتزوج
والاعزب بنظرها لفئة vip

اللي تتكلمين عنهم حالات فرديه اللي تاخذ متزوج هي بتخرب بيته اكيد بتندم لان سعادتها على خراب حياة ثانيه وعلى حساب انسانه مثلها فربنا بيوريها ويجيها يوم وتدور الدواىر عليها

اللي بتتكلمون عنه هذا واقع أعيشه .. بس ما اقول غير الحمد لله الذي عافاني مما ابتلاهم به وفصلني على كثير ممن خلق ..اللي تقولون عنه انه قد يكون ..هذا الشي موجود في حياتي ..ابتلاء الله ابتلاني به ..الحمد لله رب العالمين حمدا كثيرا طبيا مباركا فيه..
الخيانة اللي كنت أقرأ عنها ..وكنت ما افكر في يوم انها تكون في قصة حياتي..
ليش ما فكرت انها تكون في حياتي ؟
ملتزمة وزوجي ملتزم ..تدرون إيش يعني ملتزم ..يعني يخاف الله ..حدود الله ما نتعدها..
بس فرق في الإلتزام..هو ملتزم عشان الناس أكثر شي ..داعية طول وقته مع المشايخ..علماء..سفريات دعوة..بس يتخللها خيانة ..وغدر..
ملتزمة بديني..اخاف ربي ..تعلمت من الفرق اللي بيني وبينه ..تعلمت منه كيف التزامه وكيف التزامي..ما أمدح نفسي ..لا ..هذا شي تعلمته وشفته في حياتي معاه ..اللي يغلط يتوب يستغفر ماعاد يرجع ..بس هو لا ..كل ما تناقشنا رجع لنفس الطريق ..
الهداية بيد الله ..و ربنا ما ابتلانا بالأجهزة عشان تيسر لنا طريق الغواية..
الاجهزة الحديثة زيها زي المسحل والراديو والفيديو زمان ..قبل القنوات والجوالات ..لها حدين شر وخير ..والخوف من الله هو اكبر وازع يردعك عن السلوك في طريق الشر..
اللي تتكلمون عنها انا اعاني منهم ..مش وحدة ..ولا إثنين..صدت كثير ..
مقابلهم زوجي يبغى يهدم بيتي عشانهم..يبغاني اطلب الطلاق عشان اترك المجال له ولي وحدة منهم ..ما فكر في بيت ..في اسرة ..في اولاد ..في نفسيات الاولاد..في سمعة نفسه وزوجته واولاده..كان يبغاها تجي مني عشان انا اطلع الغلطانة..
ضيق عليا ..قهرني..حرمني ..اوجعني..ابكاني..جرحني..كسرني..افتراء عليا ..كذب عليا ..بهتني..نعتني بصفات ماهي فيني.. استغنى عني وعن خدمتي ..
كل هذا صار وانا كاتمة في نفسي وفي بيتي ..مانزلت لي احد من اهلي إيش اللي يصير معايا ..وايش اللي صار .. وماخرجت من بيتي ..بكيت وزعلت وماكان لي احد غير الله ..
لان من خططه اللي هو مدبرها عليا لو قلت لي اهلي بيكمل هو الفيلم عليا وبيقول لهم اشياء عني ماهي فيني ..
معاه كم وحده من كدا منطقه ومدينة ..فرطت فيني ..اهملني عشانهم ..
بنات زيه ماخافوا الله ..انا اقول لي نفسي اني ما استحقه ووجودي عنده مو مناسب لي ..ربنا يقول الطيبات للطبين والطيبن للطيبات..
ما احس انه رجل طيب ..هو محافظ على فرائضه..
بس مقصر ومهمل في رعاية البيت واهله ..
الحمد لله..علقت قلبي بالله ..تعالوا شوفوا حالي وحاله ..
احس اني من عزة الى عزة ..وهو كل ما عمال ينحط..
ما اتشمت..لا ابد ..انا ياما نصحته..ما يبغى يلتزم بنصحي له ..يتعالى عليا ..
غير كدا ..لما يصير الشي الصح اللي انا قلته له ..يقلب ومايكلم احد ..
كله لأن كلامي طلع في مكانه ..
اتهمني بالشك والوسوسه واللف والدوران
ومافي شي من هذا كله يقدر يثبت لي بدليل انه صار مني ..
حسبي الله ونعم الوكيل في كل وحده فرقت بين زوج وزوجته ..بين زوج واولاده ..حسبي الله ونعم الوكيل ..
حسبي الله ونعم الوكيل في كل وحده اشغلت زوج عن زوجته واولاده..
الله يكفينا شرهم ويجعل تدبيرهم تدميرا لهم ويصرفهم عننا ويشغلهم عننا ويجعلهم عبرة للمعتبرين
حسبي الله ونعم الوكيل..
لا حول ولا قوة إلا بالله العلي العظيم قدر الله ماشاء فعل اللهم اجرني في مصيبتي وأخلف لي خيرا منها لا اله إلا أنت سبحانك إني كنت من الظالمين

الله المستعان