وش فيهم هالناس مو عاجبهم شي ؟؟؟؟؟؟!!!!!!!!

بسم الله الرحمن الرحيم

السلام عليكم ورحمة الله وبركاته

كيفكم يابنات

انا مستغربه من شي يصير عند الناس فعلا شي غريب

بقولكم السالفه وانتم تفهمون من خلالها...

عندي بنات عمي ثنتين متزوجات الكبيره زوجها ملتزم ومايبيها

تطلع كثير للسوق واغلب الاحيان توصي خواتها يشترون لعيالها

ملابس وطبعا زوجها مايبي اي ملابس لازم تكون ساتره بزياده

بشكل مبالغ فيه ولا يبي بنطلونات ومسكينه تحتار وش تلبسهم

واختها اللي اصغر منها زوجها عادي وتلبس عيالها ماركات وملابس

حلوه زي اغلب الناس وهي بعد لبسها ماشاء الله تبارك الله حلو

مو مسألة فلوس حالتهم الماديه عاديه بس عندها ذوق وتاخذ

راحتها بالسوق المهم الموضوع اللي بتكلم عنه ان هالاختين

موسالمين من كلام الناس اللي زوجها ملتزم يقولون عنها

حشى ورا لبس عيالها كذا وش هالخلاقين حشى ماعندهم

فلوس ؟؟ والا من وين يجيبون ملابسهم هذولا ؟؟؟!!!

والثانيه حاسدينها مع انها عاديه بس يمكن يقارنونها باختها

ويقولون زوجها مدللها وجاي على كيفها !!!! عشان ملابسهم

حلوه ؟؟ وكلام كثير يقولونه عنها احس من كلامهم انهم حاسدينها

مسكينه وهي واختها يا غافلين لكم الله ...

السؤال اللي يطرح نفسه هالناس وش يبون بالضبط مايعجبهم العجب

الشين ينتقدونه والزين يحسدونه !!!!!!

طيب فيه شي وسط نسويه ونتجنبهم؟؟؟؟

وش اللي يعجبهم عشان ينطمون ويسكتون ؟!

خواتي انتم وش رايكم وقد شفتوا ناس كذا مالهم هم الا الانتقاد

والحسد ؟