وش قصده من الحركه؟؟

بنات فيه سالفه
ودي استشيركم فيها
انا عرفتها وصارت من اولها قدامي
الله يجعلني شاهده عليه
انا عندي صديقه متوظفهبمستشفى
اصغر مني بسنتين
البنت اتعب وانا اقول طيب بحالها
دوبها دوب نفسها
لي عشر سنين معها
البنت هذي باختصار
من شدة ماهي محافظه على نفسها
كنا نسميها الخوافه
كانت تهاوشونا ايام البلاك بيري
تحذرنا من العلاقات
تحذرنا من حركات الشباب
كان عندنا صديقه تمشي وتحب هههه
وهي بس هواش معها
تحاول تنصحها
هالكلام قبل سنوات
كان تقولها
للحين باذاني كلمتها
”انتي الحين استنفذتي كل طاقة الحب
اللي فيك لعيال يلعبون عليك وش خليتي
لزوجك”
هي مب مطوعه
ابد بالعكس البنت فري
لكن عندها حدود وحدود قويه
جدا جدا
من ناحيه العيال
والتعارف
وبالعربي تشوف ماحد صادق فيهم
المهم اشتغلت بالمستشفى
نشب لها واحد من الممرضين اعتقد
باسلوب يخووووووف
متخيلين
ردته وتهاوشت ولا عطته وجه
وتسفهه لكن وصل لين التويتر حقها
وتجاهلت واشياء كثير جالس يلاحقها
والله العظيم وربي اللي خلقني
يابنات مدة سنه كامل يلاحقها
ماتعب ولا مل ولا طفش ولا كل
خلاص حاطتها براسه باكثر من اسلوب
صدمتي انها بعد سنه سلكت له بالتويتر
شوي شوي صار يسولف معها
شوي شوي البنت صارت تعطيه وجه
وكان يحاول فيها سناب واتس
وهي رافضه وصمل يجلس يكلمها بالتويتر
اتوقع ٤ اشهر
وهي اتوقع زي السحر خلاص لدرجه
تقول ماقدر من اصحى ادور رساله له
شي تغريده
ىصدق تقول كل يوم كان يكلمني مايمر
يوم بدونه
شوي شوي
قدر ياخذ سنابها
جلس معها بالسناب اسبوعين بس
وانقلب انقلاب كلييييييييي
شفتو هذاك اللي كان يلحقها
وكان ناشب فيها
وكان يحاول فيها سنه ونص
صار يسحب
يسفهه
يمر اسبوع اسبوعين
مايكلمها ولا يفتح حتى رسايلها
واذا رد بكلمتين
هي تبكي تعبانه نفسيا
بحجه ليششششش سوى فيني كذا
هل هو مرض؟
وارضاء لذاته؟
اني اهم شي اوصلها بعدين
اسحب عليها؟؟
او ايش بالضبط الحركات هذي
لان ع كلامها
بدون اي سبب
صار يسحب ولا كانها موجوده
ولا كان فيه احد كان يحاول فيها
هل هذا شي بنفس الرجال
انها رفضتني لازم اوصلها
بعدين اسحب
يعني هي صاده عنه وكانت حالها
حال نفسها وهو ناشب
بعدين يصير كذا