وش كثر انا اعاني

و عليكم السلام

طيب حبوبه مدام هالإراده أو خليني أقول هالتمني القوي عندج ... إنسي العالم و إنتي تذاكرين و خلي هدفج فبالج دائماا ..
و وصلي هالتمني لإراده و إراده و إراده .. قبل المذاكرة اذكري الله و كلي عدل، و ونص المذاكره جيبي لج سندويشه و كملي مذاكره و إنتي تدرسين ..
حطي فبالج إن الخيال و السرحان ما بيوصلج لنتيجه أبدا أبدا .. ارميه على جنب بذكر الله و العبي في المذاكره لعب .. معناته اكتبي بأقلام ملونه .. ابدي بالصعب و من بعدها السهل أو العكس ... تفنني و إنتي تذاكرين عشان تنفتح نفسج أكثر و أكثر..
اطلبي من الأهل ما يزعجونج في فترة المذاكره اللي إنتي محددتها لنفسج .. و إذا صاحباتج مثل حالتج "ما يذاكرون" حاولي تقللين جلساتج معاهم إلى مثلا يوم الأربعاء بعد الدوام عشان ما يحبطونج أو يأثرون عليج سلبا و ابعدي عن التلفون وقت المذاكره .. في أشياء كثيرة تقدرين تسوينها إذا إنتي حااطه في بالج إنج يالسه تطلبين العلم و من طلب علما سهل الله له طريقا إلى الجنه ..و إنج تدرسين عشان نفسج و مجتمعج اللي إنتي كبرتي فيه ..

و يا رب تتخرجين بتقدير يعجبج و ينادونج من حولج بــ "بكلورسيه و النعم " .. بالتوفيق..