كنت ابي انزل هذا بكرى بس ضغطت ارسال بدال استعراض ... العذر والسموحه
السلام عليكم يا بناااااااااات يا حلوااااااااااات يا قمراااااااات
اليوم جايبه لكم اختبار ان شاء الله يكون جديد عليكم .... والمطلوب انك تجاوبين على الاسئله وتخلين زوجك يجاوب على الاسئله وتشوفون قد ايش انتم تتفقون مع بعض !! يعني هل انتم منسجمين مع بعض مثل الكتشب مع البطاطس والليمون الاسود مع المرقوق خخخخخخخخ <<< الله من زين التشبيه :o او انتم مثل البيض مع الجح ؟؟؟ :11:
واللي تطلع هي وزوجها نسبة اتفاقهم بسيطه لا يضيق صدرها تراه اختبار لا راح ولا جا اهم شي اللي في القلب :32:
الاسئله :
ابدأ بأسم الله
الكتابه باللون الازرق فقط
لا تكتب في هذا الهامش <<< متأثره بالمدرسه خخخخخخخ
السؤال الا ول :
وشو وصفك لليله رومانسيه بقرب الحبيب ؟
1 نجلس سوى نطالع التلفزيون
2 نتعشى مع بعض في مطعم نحبه
3 نطلع للبر سوى حول المغرب ونشب الضو ونتلحف بفروه وحده ونتسامر ونقول قصايد ( الله يا سلام انا جازت لي خخخخخ )
4 عشا رومنسي في البيت ( طبعا انتي اللي بتطبخين ) ومن بعده تجلسون سوى في البانيو مع فقاعات الصابون ( واللي البانيو حقهم ما يوسع ولا جرذي وش تسوي خخخخ )
السؤال الثاني :
اي نوع من الورد تحب او تحبين ؟
1 درازن من الروز الاحمر بأغصان طويله
2 احب الورود اللي اشكالها غريبه
3 اي ورد بأي شكل المهم ورد .. انا اموووووت في الورد
4 وشو له ورد وما ورد وخساير يومين والاه ذابل ويابس ( تحطيم قسم بالله )
السؤال الثالث :
لأي مناسبه تقدم او تقدمين هديه للطرف الاخر ؟
1 في الاعياد فقط ( عيد الفطر وعيد ااضحى )
2 في اي يوم من ايام السنه وبدون مناسبه
3 وشوله الهدايا والخساير المحبه في القلب
4 اذا بغيته يتذكر ويحس على دمه ويجيب لي هديه شريت له هديه << انا اسوي كذا خخخخخخخ
السؤال الرابع :
اذا شعرت او شعرتي بالملل من الحياة الزوجيه والروتين وش يخطر على بالك ؟
1 سفره انا واياه لوحدنا لأي بلد وبدون البزارين
2 ناخذ لنا ليله في فندق في نفس مدينتنا
3 وشو له السفر والفنادق والخساير ، نغير في البيت شوي ويصير آخر حلاوه
4 اذا بغيت اغير من الروتين اروح مع صديقاتي وهو يروح مع اصدقاه .. آخر وناااااسه
السؤال الخامس :
اذا بغيت تترك رساله للطرف الاخر وش تكتب فيها ؟
1 تكتب فيها اشواقك و مشاعرك الحقيقيه وبخط يدك
2 تدور لك اي قصيده او كرت جاهز يوصف مشاعرك
3 مقاضي البيت او فلان اتصل فيك
4 وش رسايل وما رسايل الجوال وش فايدته اجل
السؤال السادس :
اذا جاني النوم ...
1اشرب شاهي وانتظر الين يبي ينوم الطرف الثاني عشان ننام سوى
2 والله ماعلي منه اذا جاني النوم احط راسي وارقد
3 اقنع الطرف الثاني انه يجي ينام لأني ما اقدر انام الا جنبه :23:
السؤال السابع :
اذا عندي مشكله ...
1 الج العالم فيها واقعد اشكي للطرف الثاني عنها ليل نهار
2 ودي افضفض بس اجد صعوبه في الكلام
3 اكتم وهذا طبعي من صغري وما احب اشكي
4 افضفض بس مو على الطرف الثاني
السؤال الثامن :
اذا كان الطرف الثاني يشتكي لي ...
1 اجلس اسمع بدون ما اقاطعه
2 اسمع بس اقاطعه كثير
3 اسوي نفسي اسمع وانا مطنشه خخخخخخ
4 ما احب احد يشكي لي ولا اشكي لأحد
السؤال التاسع :
اذا عصب الطرف الثاني ...
1 اخليه الين يبرد وبعدين افاتحه في الموضوع
2 افاتحه في الموضوع في وقتها والا ما يجيني النوم
3 قبله يعصب مدري وش فيه صرت اسفهه وبس
4 مهوب يعصب اصلا
السؤال العاشر :
اذا جيتوا تخططون لسفره والا سهره من اللي يقرر ويرتب كل شي ؟؟
1 انا اللي ارتب كل شي لأني لو ما رتبت ما طلعنا ابد
2 احيانا انا واحيانا هو
3 هو اللي يقرر كل شي انا ما علي الا اتشيك وامشي وهو يعرف الاماكن اللي تعجبني
4 قبلنا طقاق وهواش في حال الطلعه ،، خليها على ربك بس
السؤال الحادي عشر:
اذا جو اهل الطرف الثاني يزورونكم ....
1 افرح واستانس هذي الساعه المباركه
2 الله يحييهم بس ليتهم ما يطولون
3 ازين شي فيهم انهم ما يزوروننا ابد
4 عادي ... ان جو الله يحييهم وان ما جوا على راحتهم
هذا الاختبار وسلااااااامتكم
وهاه انتهبهوا لحد يغش
نجلس سوى نطالع التلفزيون هذا اذا فضى ولا الباقي خخخخخخخخخخخخخخخخخخخخخ ولا في الحلم لانه روحه المطعم ماوراها رومنسيه والطبخ ماوراه الا التعب والبر ماله فيه ولايحبه اصلا د
السؤال الثاني :
1 درازن من الروز الاحمر بأغصان طويله انا ماني طماعه دخيل الله ورده وبدون غصن بعد
السؤال الثالث :
في الاعياد فقط ( عيد الفطر وعيد ااضحى )
السؤال الرابع :
سفره انا واياه لوحدنا لأي بلد وبدون البزارين وهذا من الضمن الخيال يابنت الحلال
السؤال الخامس :
2 تدور لك اي قصيده او كرت جاهز يوصف مشاعرك
السؤال السادس :
اقنع الطرف الثاني انه يجي ينام لأني ما اقدر انام الا جنبه
السؤال السابع
الج العالم فيها واقعد اشكي للطرف الثاني عنها ليل نهار
السؤال الثامن :
1 اجلس اسمع بدون ما اقاطعه
السؤال التاسع :
اذا عصب الطرف الثاني ...
افاتحه في الموضوع في وقتها والا ما يجيني النوم