وش لبستي بالنظرة الشرعيه وش كانت الاسئله

كل ما ذكرتي
وبعد ما انصح بلبس الكعب والمكياج أبدا الا ان كان مرطب شفايف عادي مو ملون
خاصه عند الرجل

جوباتي مع كتبك مو بس اللي تحت

انا لبست بلوزه وتنوره وبشعري وبدون مكياج ولابسه كعب وبس كذاا
قدمت له عصير
اسئله مافي غير كيفك وبس
وانا طبعا صم بكم ههههههه ولا حرف
وبسس حبيبتي الله يوفقك
مافي شي يخوف ..


اما في عام 2015
تتطورت الناس وصارت تحط مكياج
ويجذبني في البنت اكيد الجمال والاخلاق وغيره مافي ..
وهذا الموصفات يبونها اخواني اكيد جميله واخلاقها حلوه ...

خليييك على طبيعتك بتكووني احلى الله يوفقك يااارب

وكشختك بدون تكلف لانها نظره شرعيه مافيها خدااع وغش ومكياااج فخم لا لا لا خليك ناعم ولبسك ناعم .وادخلي وقدمي اللي بتقدمين واطلعي ..واهله اكيد اهلك بيقدمون عنك لانك انتي المخطوبه اجلسي عندهم بس بعد لاتطووولين وبسسسسسس الله يوووفقك 

بس بقولك سالفه يمكن تهمك صديقتي خطبو لاخوهم من ناس مايعرفونهم الا عن طريق خطابه بس المهم البنت تكلفت وكل شي سوته ..وتمت النظره واعجبته وحتى اعجبت اهله قالو الحمدالله اهم شي من عايله وبيضا لان اخووهم يحب البياض طبعه كيفه هو حر عاد هو اللي بيتزوج وتم الزواج بعد شهور راح فرد شعر البنت طلعت فاردته اللي كانت مسويته وانصدم من شعرها مو ناعم ولا عادي ولا خشن ولا جاف اخشن من الخشن ..الله يستر عليها ..وطلعت سمرا وهو يحب البياض مدري كيف قدرت تبين نفسها بيضاء حتى اهله منصدمين يقولون الحمدالله اللي شافها عشان مايقول انتم ماتعرفون تختارون او ظلمتونا يعني حتى هو انخدع بس كل هذا اكتشفه بعد الزواج لان شايفها غيير بالنظره

وطلقها للاسف يقول انا احب البيضا والشعر الناااعم 
لانه هو ابيض وشعره ناعم ووسيم ماشاءالله.ماتوقع ان زوجته كذا بتصير وبس ..

رغم اني اشوفه عادي واذا الشعر خشن ينعم وفيه حلول الحمدالله  واذا سمرا الحمدالله والشكرررر..بس اختلاف رأي 

وهي الله وفقها الحمدالله تزوجت ياربي لك الحمد ..
وهو صار يشوف ويرفض لحد مااعجبته وحده ماشاءالله واللحين مع بعض الله يوفق الجمييييع ياااااااارب..
وقلت القصه عشان الكل يستفيد 

وفيه خطااا بعد يطيحن فيه البنات ان شعرها يكون مغطي وجهها الرجال مايقدر يشوووف المهم السالفه هذي قلتها امس لوحده هنا بالمنتدى بعد  وبس عجز يشوف وجهها المهم راح لامه قال ماشفتها زين شعرها طايح على وجهها واستحى يطلب مره ثانيه قال ليش ماطلعت وجهها وشوله جاي انا وليش مو واثقه من نفسها المهم دق على اهلها بعد ايام قال الله يرزق بنتكم ويستر عليها وراح ..


وانتي الله يوفقك وتكوني قداامه قمر وتاخذي عقله ويرزقك بأحلى حياه مع من اخترتي ..

تسوي الي تبي بس بدون مبالغه ولا طمس للحقائق هههههههه
اقصد لو فيها عيب لاتخبيه 
ضروري وضوحها معاهم من البدايه
بخصوص الكعب ماايده ابدااا 
خصوصا لرجال نفسه 
بيعطيك طول غير عن طولك الحقيقي وكمان ممكن مع التوتر تجيبين العيد البسي عاااادي جدااا

بخصوص الميك اب ضروري ترتبي ملامحك بشي بسيط مايخفي اللون الطبيعي ولاتحطين شدو او كونتينر لانهم ينحتون الوجه 
رايي اكتفي ب bb cream
ومرطب شفايف وحواجب ضبطيهم 
وشعرك استشوريه 
اعتبري نفسك رايحه لصديقاتك او للجامعه  بالضبط 
بدوووون مبالغه وطمس للحقائق 

انا بنت ماقد جربت النظره الشرعيه الله يكتب لي النصيب 
بس نصحتك كنك انااا ...
الله يسعدك يارب ويوفقك 
بخصوص الادعيه ...اكتفي بالاستغفار والدعاء بالبركه وادعي ان كان لك خير فيه ان يجمعكم سوا وان كان لا ..يصرفه عنك ويرزقك الرضا بالحالتين ...