وش لعبتك وانتي صغيرة

بسم الله
السلام عليكم جميعا

بنات اكيييييد كلنا كان عندنا طريقة للعب واحنا صغار وكان لكل وحدة لعبة معينة
انا مااتكلم عن الالعاب الجاهزة ذي لا اتكلم وش كنتي تلعبين سواء لوحدك والا معك احد
انا صراحة كنت احب العب لعبة الحريم يعني انا مجموعة حريم وندخل نسلم على بعض بس الطريف انه كل الحريم هم انا يعني انا امثل الادوار كلها هههههههههههه
والا نلعب عرس ونسوي زفة والفستان كان حكاية نجيب شرشف صلاة ابيض ونلفه عالجسم ونجيب واحد ثاني ونسويه طرحة ويالله تبدا الحفلة والله كنا نستانس وننبسط واجد
اطالع الحين في الاطفال صاروا ياثقل دمهم اللي جالسين مع الحريم واللي يلعب عالاي باد والا اللاب توب والعابهم صارت يالله من فضلك تلوع الكبد
والله اتذكر زمان كنا نجمع علب جبنة كرافت ونسويها اساور ونلعب فيها واغطية علب البيبسي نسوي منها سلاسل ونبيع والطين والمويه نسوي منها اكلات عجيبة
يالله والله انها كانت ايام حلوة والعابنا كانت احلى
يالله كل وحدة تكلمنا عن لعبتها ايام زمان ياحلوين
ولكم الف تحية