تؤبشوني ياملا اللي مانيب قايله
وش لونكن ؟ عساكن جهزتن السواطير والسكاكين منشان الضحيّه :cook:
والا خبري خبركن عند المسلخ؟...
أذكر يوم حنا صغارين
نشري الخروف قبل 10 ايام ونربطه بالحوش
وبزران الجيران كل شوي طاق الباب واحد بيشوفه
ونروح حنا نشوف خروف الجيران
والا احط يديني على الباب واقول لبنت جيراننا ماتدخلين الا لين تعلميننا وش لون خروفكم هع
حنا خروفنا ابيض (نعيمي ) وهي تستحي تقوله لأنه (نجدي ) هعهعهعهع << حتى البزران متعصبين
يالله لك الحمد
عاد أنا من طلعت على الدنيا مااداني ريحة اللحم ولاآكله أبد :icon33:
اذا شفتهم ياكلون أطق اللطمه وأتشطّر هناك لين يخلصون....
سين سؤال
كل وحده تقول لنا وش يذبحون
نجدي or نعيمي؟ وهل تسلخين معهم وتفسرين ذرعانتس والا كلش على المسلخ؟ << جاوبن بصراحه
ترا فيه ساهر هع
وبعد وش اللي ترقبينه بالاضحيه؟ كبده والا كلاوي والا طحال والا كرش ههههههههههههههههههههههههههه
يالله سولفن
وكل عام وانتن بخير مقدما
