بنات ...
منو فينا ماعندها هم او شي شاغل بالها او شي تبيه يصير
كلنا طبعا
عشان جذي كتبت هالموضوع او تقدرون تسمونها حمله تشجيعيه ومساعده بنفس الوقت
عشان نبسط عباداتنا على طول اليوم واشياء بسيطه نقدر نسويها ما تاخذ منا وقت طــــــــويل
بنات عندي ملاحظه مهمه :-
موضوعي اختصار لمواضيع بنات وتجاربهم من منتدانا ومنتديات ثانيه ومن تجارب واقعيه سواء شخصيه حدثت لي او حدثت لناس اعرفهم
هذا كله عشان كلنا نتشجع وما نتكيسل عن عباده الله لان بالنهايه احنا نبي رضى رب العالمين علينا صح ولا لأ
خلوني أدش بالموضوع على طـــــــــــــــــول
أول شي كل وحده تسويلها جـــدولين ببرنامج مايكروسفت وتطبعه وتخليه بمكان تشوفه فيه دايما ..
الجدول راح يكون لمده شهر وكل شهر تسوين واحد يديد ...
وكل ما سويتي شي من المكتوب حطي علامه صح واللي ما سويتيه خليه فاضي عشان اليوم الثاني تتشجعين وتسوينه
أول جدول راح يكون فيه :-
(( الصلاة ))
1- سنه الفجر ( ركعتين )
2- صلاة الفجر
3- أذكار الصباح
4-صلاة الضحى
5- سنة الظهر ( 4 كعات قبل و 2 بعد )
6- صلاة الظهر
7- صلاة العصر
8- أذكار المساء
9- صلاة المغرب
10- سنه المغرب (ركعتين)
11- صلاة العشاء
12- سنه العشاء ( ركعتين )
13- قيام الليل ( ركعتين واكثر )
14 - الشفع والوتر
بنات انا حطيت بالجدول اذكار الصباح والمساء عشان اول ماتخلصين صلاة وتحطين علامه صح تشوفين كلمه الاذكار وتقولينهم وماتنسين
الجدول الثاني :-
(( العبادات والاذكار ))
ابيكم تكثفون جهدكم بهالجدول بنات عشان نتقرب من الله اكثر واكثر
1- الصدقه
2- الاستغفار ( 100 مره باليوم )
3- الاستغفار بالاسحار (( 100 مره اي قبل صلاة الفجر بساعه )) واهوه افضل وقت للاستغفار لان مكتوب بالقرىن هالشي
4- لا حول ولا قوة الا بالله (( 100 مره باليوم ))
5- حسبي الله لا اله الا هو وهو رب العرش العظيم (( 100 مره ))
6- حسبي الله ونعم الوكيل (( 100 مره ))
7- الرقيه الشرعيه
8- قراءه سورة البقره
9- قراءه ما تيسر من القران بالثلث الاخير من الليل
10 - سبحان الله , الحمدالله , لا اله الا الله , الله اكبر (( كل وحده 100 مره او 33 مره بعد كل صلاة بس المهم تقولينهم ))
11- سبحان الله وبحمده (( 100 بعد صلاة الفجر يعني قبل طلوع الشمس و 100 مره قبل غروب الشمس ))
12-لا اله الا الله وحده لا شريك له , له الملك و له الحمد و هو على كل شيء قدير 100 مره
13 -حسبنا الله سيؤتينا من فضله انا لله وانا اليه لراغبون 100 مره
واللي حابه تضيف من عندها يكون افضل
وهذا موقع السبحه الالكترونيه وانتي شابكه استغلي وقتج بالذكر
http://www.pylon-group.com/e-seb7a/
بس مو تضغطين وحلجج ساكت هههه ماكو فايده لازم تحركين شفايفج وتقولين الكلام مو بقلبج بس
وبعد عندكم خاتم التسبيح وايد وايد وايد مفييييييييييييييييييد
اشتروه بنات راح ينفعكم طول ما انتو قاعدين لبسوه وسبحو
خـــــواتي
عندي نصيحه لكم واتمنى من قلبي انكم اطبقونها
الا واهيه ((( سجــــــــــــدة الشكر )))
اذا صارلج شي يفرحج سجدي على طووووووووووول سجده شكر لله او صلي ركعتين شكر هم يكون افضل
واذا صارلج شي يضيق الخلق هم سجدي سجده شكر
بتقولين شلون اسجد وانا مهمومه ...!!!!
راح اقولج ..
ان الله يحبج وهذا الابتلاء يمكن يكون تكفير عن ذنوبج واختبار لصبرج ويبي يسمع صوتج ويبيج تتقربين منه اكثر واكثر
هالشي ما يستاهل الشكر ....؟؟
يعني من الحين ورايح نعود نفسنا على سجده الشكر ترى اهيه مو شرط على طهاره او تكونين لابسه الثوب عادي
وفي آيه بالقرآن معاناها ولئن شكرتم لأزيدنكم يعني كل ما شكرنا الله على النعم الله راح يعطينا اكثر واكثر
وفي آيه . بما معناها . (( وقليل من عبادي الشكور )) لا نكون من هالفئه بنات انتبهــــــــوا
+++++++++++++
الحين وصلنا
للـــــــــــــــدعــــــــــــــــــــــــــاء
قال الله تعالى : وَقَالَ رَبُّكُمُ ادْعُونِي أَسْتَجِبْ لَكُمْ
وقال عز وجل: وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ
بنات الدعاء عباده يعني كثري دعاء بكل وقت وتحري اوقات الاستجابه واهيه :-
1- السجـــــــــــــــود
اقرب ما يكون العبد لربه واهوه ساجد .. بكل سجده بصلاتج ادعي سواء السنه او الفرض الله يحب عبده اللحوح
ومن أدلة الدعاء في السجود قول الرسول صلى الله عليه وسلم: ((فأما الركوع فعظموا فيه الرب وأما السجود فاجتهدوا في الدعاء فقمن أن يستجاب لكم)) وقال صلى الله عليه وسلم: ((أقرب ما يكون العبد من ربه وهو ساجد فأكثروا الدعاء)) أخرجهما مسلم في صحيحه
2- الدعاء في جوف الليل ( آخر الليل )
لقول النبي صلى الله عليه وسلم: ((ينزل ربنا إلى السماء الدنيا كل ليلة حين يبقى ثلث الليل الآخر فيقول من يدعوني فأستجيب له؟ من يسألني فأعطيه؟ من يستغفرني فأغفر له؟)) وفي لفظ آخر فيقول: ((هل من داع فيستجاب له؟ هل من سائل فيعطى سؤله؟ هل من تائب فيتاب عليه حتى يطلع الفجر))
لا اطوفون هالوقت بناات
3- الدعاء بين الاذان والاقامه
الدعاء فيه لا يرد ..!!
4- يوم الجمعه
حين يجلس الخطيب على المنبر إلى أن تقضى الصلاة، وبعد صلاة العصر إلى غروب الشمس يوم الجمعة وفي من يقول قبل صلاة المغرب بساعه
5- الدعاء لأخيك المسلم بظهر غيييييب
يعني بنات كل وحده تقولكم ادعولي ادعولها
واذا كنتو تدعون حق نفسكم بشغله معينه ادعو حق الناس اللي يعانون بنفس معاناتج مثلا
6- دبر الصلوات المكتوبات ( الفرائض الخمس)
7- دعاء المسافر
8- دعاء الصائم عند فطره
9- دعووووه المظلــــــــوم
10 - دعاء الوالد لولده 0(( خلو امهاتكم وابهاتكم يدعون لكم على طوووول ))
ملاحظه :-
بنات لما تدعون خلو الكلام طالع من قلبكم مو تدعون وتسرحون بشي ثااااني ..!!
تخيلي انج تكلمين رفيجتج وتبين منها شي ضروري وبنفس الوقت انتي لاهيه تشوفين تلفونج مثلا هل تتوقعين ان رفيجتج تاخذ الموضوع بجديه.....؟؟؟
أكيد لأ ..! ف شلون رب العالمين ..!!!
وابتعدو عن موانع الدعاء منها الدعاء باثم او قطيعه صلة رحم ولازم تكون فلوسج حلال مو حرام
+++++++++++++++++++++++
فضـــــــــل (( الصدقه ))
خواتي
الصدقه تطفئ عضب الرب
خلي ايدج سخيه تصدقي باللي تقدرين عليه لو بربع ديـــــنار ترى الكفن ماله جيوب
وعندي لكم موقع العـــــون المباشر تقدرين تتصدقين فيه لو بدينار وبالكي نت بعد
http://direct-aid.org/cms/
وهذا موضوع منقول بأحد المنتديات عن فضل الصدقه :-
هل تعرفين فضل الصدقه ؟؟؟
تزيدالعمر وتمنع ميتة السوء
تدفع البلاء
الصدقه سبب في استجابه الدعوة وكشف الكروب
الصدقة دواء , قال صلى الله عليه وسلم" داووا مرضاكم بالصدقة"
الصدقة تطفىء غضب الرب
قال صلى الله عليه وسلم " إن الصدقة لتطفئ غضب الرب"
تضاعف الحسنات
الصدقه تذهب الحزن
سبب لمغفرة الذنوب وتكفير السيئات
الصدقة أمان من خوف يوم القيامه
انالله تكفل بتربية الصدقات للعبد
ان الله يخلف الصدقة
تزيد المال ولا تنقصه
تسد سبعين بابا من ابواب السوء
الصدقة سبب لدعاء الملائكه
المتصدق والعامل على الصدقة لهما أجر المجاهد
الصدقة سبب في مجاورة الرسول صلى الله عليه وسلم
سبب من اسباب دخول الجنة
الصدقة الجاريه تبقى للعبد بعد الموت
قال الرسول صلى الله عليه وسلم - ( إذا مات ابن آدم انقطع عمله إلا من ثلاث : صدقة جارية أو علم ينتفع به أو ولد صالح يدعو له )
ولا ننسى أهم دعامتين : الاخلاص واستحضار النية
أخواتي ولاتنسون اقاربنا المتوفين اللي لها أب او ام او اخ او اخت لاتنساها في الصدقه الجاريه
فقد قال الرسول صلى الله عليه وسلم (( إذا مات ابن آدم انقطع عمله إلا من ثلاث: صدقة جارية، أو علم ينتفع به، أو ولد صالح يدعوا له ))
ولاتنسون انه عند عمل صدقه جاريه لأي ميت من أقاربك فيكون لك يا أختي مثل ثوابه
وكم هم بحاجتنا وهم في قبورهم وقد انقطع عملهم وينتظرون منا الحسنات والاجر
ويعتبر من بر الوالدين حتى لو بعد وفاتهم بعمل صدقه جاريه لهم او الدعاء لهم
والله يرحم موتانا وموتى المسلميـــــن
+++++++++
وهديتي لكم قبل لا اختم هذا الدعاء :-
(( يا ودود يا ودود ياذا العرش المجيد يا مبدئ يامعيد يا فعالا لما يريد
أسألك بملكك الذي لا يرام وعزك الذي لا يضام وبنور وجهك الذي ملأ
أركان عرشك وأسألك بقدرتك التي قدرت بها على جميع خلقك وأسألك
برحمتك التي وسعت كل شيء لا اله الا انت (( وادعي باللي تبينه ))
بنات انا لخصت لكم اهم الاشياء الضروريه اللي لازم نسويها بيومنا
وصدقوني الاذكار والاستغفار ما ياخذ دقايق
اذا عجبكم الموضوع ابيكم تشاركوني فيه ونشجع بعض واللي عندها اي شي تتفضل تقوله وتضيفه واتمنى تكتبون قصص صارت لكم عشان الكل يتحمس اكثر
وأبي دعوه حلوه منكم لتفريج همــــي وتحقيق اللي اتمنــــاه يارب
.gif)
عسى الله يجعله بميزان حسناتنا وتقبل اعمالنا ونجتمع بجناته قولوا امين
نقلته حبا لكم يابنات حوأ:26:
وبالأخير طلبتكم تدعولي ينصرني نصرّ ا عزيزا مؤزرا على من ضلمني ويوفقني ويرحمني برحمته