وش معنى خوش؟

يعني بنت كويسه

حلوة رائعه

والنعم فيك كلها تحمتل المعنى.

يعني ماشاءالله عليك كويسه

مشكورين يعني لها عدة معاني 

هي لها اكثر من معنى ويعتمد على حسب موقعها من الجمله وطريقة اللي يقولها
يعني بالنسبه للموقف اللي قلتيه المقصود منها المدح
يعني زي ماقالوا البنات
انت بنت كويسه .. او مؤدبه .. او حلوه ... الخ .. ( مين أدك ياشيخه )
واحيانا تستعمل للإستهزاء بفعل الشخص
مثلا
دخلتي الغرفه شفتي بنتك الصغيره لاعبه في اغراضك
او اذا انت بنت ماتزوجتي
وشفتي اختك الصغيره لاعبه في اغراضك وحايستهم وحاطه لها كحل وحمره .. مثلا يعني
فأنت اول ماتشوفينها تحطين يدينك على خصرك وتطالعينها بنظرة غضب
وتقولين لها بنبره حاده .. خوش والله .. ( يعني بمعنى آخر ماقصرتي )
واحيانا تستعمل لللإعتراض
مثلا
قررتوا تطلعون رحله وكبيركم حدد لكل شخص مهمه
وانت حدد لك اصعب مهمه وباقي الأشخاص مهماتهم اسهل منك
فأنت تعترضين على هالشي وتقولين
والله خوش ..شمعنى انا اخترت لي هالمهمه الصعبه

هذا اللي حضرني الآن
عموما اللهجه العاميه غنيه بالكلمات اللي تحمل اكثر من معنى