وش موقفك اذا جت خالتك تنام ببيتك وتفتش اغراضك وانتي نفاس عند اهلك ؟؟

السلام عليكم ورحمة الله وبركاته ..


اخواتي حابة استشيركم لأني بصراحة في قلق بسبب هذا الموضوع ..

بحكيلكم حكايتي حتى تفهموا ..

زوجي انسان طيب وحنووون مررة على امه والحمد لله انا معجبني هالخصلة فيه واعينه عليها وما اغار منها في اي شي يقدمه لها هي امه وانا زوجته وكل وحده لها مكانها ..

زوجي علاقته معها غير عن باقي اخوانه صاير لبق معها مررة وما الومها اكيد ترتاح معه اكثر
بس زبدة الموضوع انها من بعد فترة من زواجنا خلاص صارت ما تشوف من عيالها غير زوجي في كل احتياجاتها ..

احنا ساكنين بعيد عنها حنا بالرياض وهي في قرية ..
وكل عيالها بالرياض .. لكن لما تجي للرياض ماتبي غير بيتنا .. مايوديها لمشاويرها غير زوجي ..
وزوجي انسان مشغووول مررة مايفضى لي ابدااا ..
بس احيان اقوله ياخذ اجازة حتى يتفضى لي يفسحني واقضي فيها حاجاتي من السوق والله مااطلع للسوق بالشهور والحمد لله متفقة مع زوجي على هالشي ..
ف صارت اول ماتدري عن اجازة زوجي تجي طايرة وتقول والله ياوليدي مشتاقة لكم ولبنتكم وتقعد عندنا ليما تخلص اجازة زوجي مانتفسح ولا نقضي حاجاتنا بسبب وجودها عندنا ولازم نكرمها وصعبة حرمة كبيرة في السن نطلعها ونتعبها ..

والله صرت مااخذ راحتي بالبيت شقتي صغيرة مررة وتعرفون اللي ازواجهم ب شركات متى يتفضى الزوج لزوجته ويسهرون سهراتهم الخاصة غير بالاجازات ..
بس صبرررت منها والله كثييييير ونفد صبري كنت اتعذر لها .. بس امرها كل فترة يزيد بديت احس انه الموضوع فيه إن ..

والله انا طيبة معها وماعمري قصرت معها بشي ولا ابين لها اني متضايقة بالعكس مكرمتها خير اكرام .. ويمكن هذي مشكلتي .. بس القهر تخيلوا بناتها وعيالها الثانيين يتصلوا عليها وهي عندنا تعالي زورينا نشوفك تقولهم لا والله اخاف عندكم مشاوير ودكم تتفسحون انتم وازواجكم وعيالكم ..
والله كل بناتها وعيالها وظايفهم تعليمية يعني شبعانين من ازواجهم مو مثلي ..المشكلة انها حرمة كبيرة والله مع انها تتعذر لعيالها اذا عزموها لبيوتهم برجلينها وانها تعبانه ماتقدر على الدرج وشقتنا بالسطح بس عاادي عندها كل اسبوع اسبوعين تطب عندنا..

جرحتني كلمتها كثيييييير مرررة ... يعني احنا مو مثلهم وهي عارفة ان زوجي ما ياخذ اجازاته الا عشان يتفرغ لاشغالي واشغال البيت ..

هذا كله كووم والكوم الثاني يوم تنفست عند اهلي ببنتي ..
تخيلوا زوجي موظف بشركة يعني مايرجع للبيت الا بعد 9 ساعات ومع هذا قالت له بجي بقعد عند بوسع صدرك في غياب زوجتك ومنها بخلي شغالتي تنظف البيت لزوجتك .. وكنت توي والدة مالي غير اسبوعين لسى على رجعتي وهي تعرف اني مااحب الشغالة بالبيت ..
خالتي مشكلتها نقادة وفيها طبع الفضول تحب تطب علينا فجأة تشوف وش عندنا من اشياء جديدة تخيلوا قدامي تفتش الثلاجة والفريزر .. وقدام زوجي تسكت .. واذا طلع يصلي تجلس تتنقد شغلي .. ليه نقلتي هالشي من مكانه وليه غيرتي .. وبنااات هالجيل مايحبون الا الوسع ماتملا عيونهم الشقق الصغيرة .. وهي عارفة ان هالاشياء كلها من شغل ولدها مو شغلي لان زوجي انسان مايحب البخل يحب كل شي راهي في حياته وهي يمكن مستخسرة علي هالاشياء الزينة مع انها عااادية وموجودة عند كل الناس ومن ابسط حقوقي ك زوجة انها تكون عندي ..
ماهمني عادي البيت بيتها بس تجين لبيتي في غيابي وتعرفون الوحدة بآخر حملها بيتها يااارب سترك من الكركبة وعدم التنظيف فانقهرت ماابيها تشوف بيتي بهالحالة .. وزادني قهر انه زوجي بالعمل قالت لبنتها تجي عندها تتغدى ببيتنا .. انا هنا جن جنوني مااحب احد يدخل بيتي بدون علمي وخاصة انه وقت حملي في وضع مااحب احد يشوفه من الغبار والكركبة .. سكت وكتمتها في قلبي .. وسألت زوجي الخدامة نظفت شي قال لا بس كنست لنا الأرضية ومسحتها .. الحمد لله هذي الشغلة انا مارح اعجز عنها اذا رجعت لبيتي .. اجل ليه جايه وجايبه شغالتك تحوس في شقتي !!!
اللي قهرني انها من بكره قالت لزوجي خلاص برجع لبيتي .. قال مو انتي قلت بتجلسين تونسيني قالت له والله انت تاركني لحالي فالبيت كل النهار قالها انتي عارفة من قبل قالت له خلاص هونت هي عارفة ان وجودها في البيت وماعندها احد بيكون طفش بس الفضول ومايسوي خلصت شغلتها ومشت حتى ع الأقل نظفي لي البيت يومك جيتي وحستي فيه انتي وبنتك ..


الحين انا بولد مرة ثانية وعارفة ان الموال نفسه بيتكرر وبصراحة نفسي المح لها ول بناتها اني مارضيت بشغلها هذيك المرة من حقي اوضح لهم وجهة نظري .. والحمد لله اللي مجرأني انو هم ناس قويين ماعندهم في أحد اهم شي مصلحتهم وراحة امهم .. يبون امهم ترتاح وماتجلس وحيدة بس مو عندهم وعند ازواجهم .. وانا وزوجي ناس طيبين نستحي ومعدننا صافي .. ماعندنا حركات اللف والدوران اللي عندهم ..ووالله مو طبعي ولا طبع اهلي نتعامل بمثل هالتعامل بس هم اجبروني والله .. تقترحون علي بأي طريقة اوضح لها اني مو راضية بدخولها بيتي في حال عدم وجودي بدون مااسوي شي مو من اخلاقي؟؟
اكثر شي مخوفني هو دخولها لغرفتي .. خصوصياتنا .. وزوجي اعرفه انسان مستحيل يقفل الغرفة لما يطلع للدوام .. وهو يقول يوم كنتي والدة دخلت امي غرفتنا تصحيني للدوام ..!!!!!!!!!

خيييييير عسى ماشر حتى الغرفة تدخلينها وين احنا فيه ..
دخلتها وهو موجود وفتشت مطبخي قدام عيوني يعني ماراح تفتش غرفتنا لما يروح هو للدوام !!!!؟؟؟؟

انقهرررت باقي نفاسي كله من تصرفها .. واكثر شي مخليني استغرب تصرفاتها انها حرمة كبيررررة عيب تتصرف تصرفات مراهقين ..

اعتذر يابنات كنت ناوية اطلب نصيحتكم وحسيت ان موضوعي صار مقالة من الفضفضة ههههههه

ابي مشورة عين العقل والحكمة ربي يسعدكم .. وخاصة الناس اللي جربت تتعامل مع حمولة مثل حمولتي ..