وش موقفك بكل صراحه ؟

أبقولها جزاك الله خير وإذا هي طفله أببوسها وأشجعها بابتسامه وإذا هي شابه صغيرة راح أشجعها وأدعيلها بصوت عالي

انا ابقولك موقف بنت اخت زوجي شافت البرقع حقي طايح واخذتة وجابتة لي وقامت تتفلسف وتنصح وامها تضحك مبسوطة من البنت انا ضحكت ضحك قهر ما احب اللقافة من الصغار انا ما اقول شي انا اقول ما شاء الله عليها وانا لبسي البس برقع واحط الشيلة علية يعني ساتر وعباية على الراس

بقول جزاك الله خيررر
وبشجعها وبتقبل منها الي تقوله .....مو الي تقوله هو السليم
اجل ليش ازعل ......

مره امي كانت ماخذه اختي عمرها 8 سنين للسوق

وفجأه وتضيع اختي وتنهبل امي صارت زي المجنونه واذن الظهر والمحلات بدت تسكر

وامي خافت لاتكون اختي باحد المحلات ويقفل عليها

راحت امي تدور على المحلات وتسألهم وعطت العيال فلوس وقالتلهم لبسها عشان يدورونها

المهم وتدخل امي محل كانت فيه وترفع غطاء النقاب عن عيونها تبي تشوف اختي فيه والا لا

الا وهذيك اللي جايه صارووووووخ عمرها يمكن 18 وامي مره كبيره تقولها

غطي عيونك بصوت عالي واستعراض عند صاحب المحل << عاد امي تقول انها تستعرض امي ابخص
وتقول تعطيني امر وتلفت على اللي بالمحل يعني شوفوني

صاحب المحل شاب سعودي قال لامي عسى حصلتي بنتك ياخاله << امي تقول قالي كذا يبيها تنقلع عني

كانت امي لحد الحين مالقت اختي والعفاريت تتطنط قدامها << وللاسف اعرف امي بهالحاله

تقول قمت صرخت عليها وزئرت زي الاسد وقلت وخري من قدامي لاقطعك قطع انقلعي

وهي حست بفشيله وراحت

امي تقول لو خليتها ماتعتقني الا بعد ساعه وانا ابي بنتي ماني لمها

البلاء بعض الحريم تروح تعلم بنتها ام خمس ولا ست سنين تروح تقول لابوها لا تدخن حرام ولا لاتسوي كذا حرام وتخيلي يكون الرجال وقتها مره معصب ويقوم يضرب البنت وتكون هذا ساعتها وتموت وش الفايده اكره لقافة البزران